Bodleian Library

A Biblioteca Bodleiana (en inglés: Bodleian Library) é a principal biblioteca de investigación da Universidade de Oxford. Trátase dunha das bibliotecas máis antigas de Europa, fundada por Thomas Bodley en 1602. Cuns 13 millóns de documentos impresos,^[1] é a segunda biblioteca máis grande da Inglaterra, unicamente superada en tamaño pola Biblioteca Británica. Segundo a Legal Deposit Libraries Act de 2003, é unha das seis bibliotecas que se encargan do depósito legal no Reino Unido, e de acordo coa lei irlandesa pode reclamar unha copia de cada libro publicado na República de Irlanda. Coñecida polos membros da comunidade universitaria oxoniense como a "Bodley" ou "the Bod", actúa principalmente como unha biblioteca de referencia polo que, en xeral, os seus documentos non poden retirarse das salas de lectura.

Bodleian Library
Emblema
Instancia de biblioteca universitaria
Epónimo Thomas Bodley
Parte de Bodleian Libraries (en)
Composto por Bodleian Library Special Collections (en)
Persoas e organizacións
Cargo dirixente Bibliotecario de Bodley
Fundador/a Thomas Bodley
Matriz Bodleian Libraries (en)
Director/a Richard Ovenden
Ten en propiendade Gough Map (en) Shelley's guitar (en) Selden Map of China (en)
Membro de Research Libraries UK (en) British and Irish Committee on Map Information and Cataloguing Systems (en) IFLA
Entidades subsidiarias UK Web Archive (en)
Datas e cronoloxía
Fundación 1602
Localización
Localización Oxford
País Reino Unido
Enderezo Radclliffe Square
Rúa Broad Street (en)
OpenStreetMap  51°45′14″N 1°15′19″O
Estado Reino Unido País Inglaterra
Fontes e ligazóns
Páxina WEB bodleian.ox.ac.uk…
Descrito pola fonte Dicionario Enciclopédico Brockhaus e Efron Q24349593 Subterranea Britannica The Nuttall Encyclopædia Subterranea
Redes
Wikidata C:Commons

No ano 2000, varias das bibliotecas da Universidade de Oxford axuntáronse por razóns administrativas baixo o nome de Oxford University Library Services (OULS). Dende 2010, chámanse Bibliotecas Bodleianas, das que a Biblioteca Bodleiana é a máis grande.

Todas as facultades da Universidade teñen a súa propia biblioteca, moitas das cales se fundaron antes da Bodleiana e son independentes dela. Porén, todas comparten SOLO (Search Oxford Libraries Online), o catálogo colectivo das Bibliotecas Bodleianas. A única excepción é a do University College, que posúe o seu propio catálogo independente. Moitos dos arquivos da biblioteca dixitalizáronse en 2015, poñéndose a disposición do público a través da internet.^[2]