Bótidos

A dos bótidos (Bothide) é unha familia de peixes osteíctios da orde dos pleuronectiformes que abrangue numerosas especies, coñecidas como peixes planos zurdos (por teren os dous ollos situados no lado esquerdo), a maioría delas propias dos mares tropicais.^[2]

Bótidos Bothidae
Rapapelos da especie Arnoglossus laterna
Clasificación científica
Reino: Animalia Filo: Chordata Subfilo: Vertebrata Clase: Actinopterygii Subclase: Neopterygii Infraclase: Teleostei Superorde: Acanthopterygii Orde: Pleuronectiformes Suborde: Pleuronectoidei Familia: Bothidae Smitt, 1892 [1]
Xéneros
Véxase o texto

As especies que viven nas augas galegas adoitan coñecerse co nome de rapapelos.^[3][4][5]

Características

As principais características dos peixes desta familia son:^[6]

• A boca é terminal, e coa mandíbula inferior prominente.
• Ambos os ollos están situados no lado esquerdo na maioría das especies.
• Non pesentan espiñas nas aletas.
• A orixe da aleta dorsal comeza diante do ollo superior.
• A aletas dorsal e anal están separadas da aleta caudal.
• As aletas ventrais son moi asimétricas.
• A liña lateral só aparece no lado ocular.

Distribución xeográfica

As especies desta familia viven en augas das rexións temperadas e tropicais dos océanos Atlántico, Índico e Pacífico.^[6]

Clasificación

Segundo o WoRMS a familia comprende os seguintes xéneros (indícase o número das especies de cada un):

• Arnoglossus Bleeker, 1862 - 35 especies
• Asterorhombus Tanaka, 1915 - 4 especies
• Bothus Rafinesque, 1810 - 16 especies
• Chascanopsetta Alcock, 1894 - 8 especies
• Crossorhombus Regan, 1920 - 5 especies
• Engyophrys Jordan & Bollman, 1890 - 2 especies
• Engyprosopon Günther, 1862 --31 especies
• Grammatobothus Norman, 1926 - 3 especies
• Japonolaeops Amaoka, 1969 - 1 especie
• Kamoharaia Kuronuma, 1940 - 1 especie
• Laeops Günther, 1880 - 12 especies
• Lophonectes Günther, 1880 - 2 especies
• Monolene Goode, 1880 - 11 especies
• Neolaeops Amaoka, 1969 - 1 especie
• Parabothus Norman, 1931 - 9 especies
• Perissias Jordan & Evermann, 1898 - 1 especie
• Psettina Hubbs, 1915 - 10 especies
• Scolops - 1 especie (nomen dubium)
• Taeniopsetta Gilbert, 1905 - 2 especies
• Tosarhombus Amaoka, 1969 - 6 especies
• Trichopsetta Gill, 1889 - 4 especies

Galería

• 
  Bothus mancus
• 
  Kamoharaia megastoma
• 
  Monolene sessilicauda
• 
  Trichopsetta ventralis