Cárcere da Parda

O cárcere da Parda foi un centro penitenciario provincial que existiu en Pontevedra no século XX.

Cárcere da Parda
Pontevedra
Cárcere da Parda en 1991
Tipo	centro penitenciario
Datas
Fundación	1934
Demolición	1996
Localización
42°25′30″N 8°37′59″O
Situado en	Pontevedra
[ Wikidata ] [ C:Commons ]

Historia

A súa construción aprobouse en 1934^[1], por mediación do deputado Isidoro Millán Mariño^[2]. Ata entón funcionaba como cárcere o edificio situado na estrada de Marín (actual rúa Rosalía de Castro) proxectado en 1850 polo arquitecto municipal José García Limeses, en cuxos terreos se construíu un século despois o Pazo de Xustiza sede da Audiencia Provincial, inaugurado en 1956. O antigo cárcere histórico da cidade reconstruído en 1753 que se situaba ao final da ponte do Burgo^[3] fora demolido en 1865.^[4]

Ao longo da súa historia houbo diversos motíns, como o que sucedeu en 1978 sendo director do centro Rodolfo Rey García^[5] ou o que tivo lugar en 1990^[6]. O cárcere pechou de forma temporal en 1991 para a realización de obras^[7], e os internos foron traslados aos penais de Vigo e Monterroso entre outros, mais finalmente procedeuse ao seu peche e á construción do centro penitenciario da Lama. A demolición do cárcere da Parda fíxose en 1995 e só quedaba o predio a principios de 1996 cando se ía empezar a construír o primeiro edificio dos xulgados da cidade da Xustiza de Pontevedra.^[8]

Galería de imaxes

• 
  Escaleira
• 
  Portas das celas