Cabra montesa galega

A cabra montesa galega^[1] ou cabra montés portuguesa^[2] (Capra pyrenaica lusitanica) é unha subespecie extinta da cabra montesa que habitaba antigamente nas zonas montañosas do norte de Portugal, Galicia, Asturias e Cantabria occidental.

Cabra montesa galega
Última foto realizada a un exemplar vivo en 1908.
Estado de conservación
Extinto dende 1892
Clasificación científica
Reino: Animalia Filo: Chordata Clase: Mammalia Orde: Artiodactyla Familia: Bovidae Xénero: Capra Especie: Capra pyrenaica Subespecie: Capra pyrenaica lusitanica Schlegel, 1872

Taxonomía

A subespecie foi descrita en 1872 polo naturalista alemán Hermann Schlegel.^[3]

Extinción

Este animal foi exterminado debido á caza excesiva e a destrución do seu hábitat a finais do século XIX, desaparecendo en 1890 de España e en 1892 do seu derradeiro refuxio na portuguesa serra do Gerês.

Reintrodución dunha subespecie semellante

Dende 1993 a Xunta de Galicia está repoboando algunhas zonas de Galicia con cabras montesas da Serra de Gredos, membros da subespecie máis semellante aínda viva, a Capra pyrenaica victoriae da Meseta Central.

Esta política foi imitada por Asturias e está en estudo en Cantabria, aínda que neste caso é máis por motivos cinexéticos e turísticos que polo interese medioambiental.^{[Cómpre referencia]}