Tiburón oceánico

O tiburón oceánico^[3] ou tiburón de puntas brancas (Carcharhinus longimanus) é un tiburón peláxico grande que vive nos mares tropicais e temperados cálidos. É de constitución robusta e destaca especialmente polas súas aletas longas, arredondadas e coas puntas brancas.

Tiburón oceánico
Estado de conservación
Vulnerable [1]
Clasificación científica
Reino: Animalia Filo: Chordata Clase: Chondrichthyes Subclase: Elasmobranchii Superorde: Selachimorpha Orde: Carcharhiniformes Familia: Carcharhinidae Xénero: Carcharhinus Especie: C. longimanus
Nome binomial
'Carcharhinus longimanus' (Poey, 1861)
Distribución do tiburón oceánico. Distribución do tiburón oceánico.
Sinonimia[2]
Carcharias obtusus Garman, 1881 Squalus longimanus Poey, 1861 Carcharias longimanus (Poey, 1861) Pterolamiops longimanus (Poey, 1861) Carcharinus longimanus (Poey, 1861) Squalus maou Lesson, 1831 Carcharhinus maou (Lesson, 1831) Carcharias insularum Snyder, 1904 Pterolamiops magnipinnis Smith, 1958 Pterolamiops budkeri Fourmanoir, 1961

É un peixe agresivo, pero de movementos lentos, cun marcado frenesí devorador, motivo polo cal é un perigo para os náufragos e superviventes no océano en accidentes; atacou máis humanos que tódalas outras especies de tiburóns xuntas.^[4][5] Estudos recentes^[1][6] demostraron que as súas poboacións se atopan nun marcado declive, xa que as súas grandes aletas teñen moito valor como ingrediente principal da sopa de aleta de tiburón e, como outras especies de tiburón, sofre unha presión crecente por parte da pesca no seu ámbito de distribución.