Megalodón

O megalodón (Carcharocles megalodon), que quere dicir "dentes grandes", é unha especie extinta de tiburón que viviu hai preto de 23 a 2,6 millóns de anos, durante o Mioceno até o final do Plioceno. Outrora pensouse que era un membro da familia Lamnidae, o que o facía máis achegado ó tiburón branco (Carcharodon carcharias). Porén, no presente existe un consenso case unánime de que pertence á familia extinta Otodontidae, que diverxeu do devanceiro do gran tiburón branco durante o Cretáceo. A clasificación do seu xénero aínda está en debate, habendo autores que o sitúan en Carcharocles, Megaselachus, Otodus ou Procarcharodon.

Megalodón Rango fósil: Mioceno - Plioceno
Modelo das mandíbulas do megalodón no Museo Americano de Historia Natural.
Clasificación científica
Reino: Animalia Filo: Chordata Subfilo: Vertebrata Clase: Chondrichthyes Subclase: Elasmobranchii Superorde: Selachimorpha Orde: Lamniformes Familia: Otodontidae Xénero: Carcharocles
Especie tipo
Carcharocles megalodon Agassiz, 1843[1]
Sinonimia
Procarcharodon megalodon Casier, 1960 Megaselachus megalodon Glikman, 1964 Otodus megalodon Agassiz, 1843