Cariorrexe

A cariorrexe (do grego antigo karyon = "améndoa, semente ou núcleo", e rhexis- = "rebentar") é a fragmentación destrutiva do núcleo dunha célula moribunda^[1] na que a súa cromatina se distribúe irregularmente polo citoplasma. Xeralmente vai precedida da picnose e seguida da cariólise e pode ocorrer como resultado da morte celular programada (apoptose), senescencia, ou necrose.

Características morfolóxicas da picnose e outras formas de destrución nuclear.

Apoptose.

Na apoptose, a clivaxe do ADN realízana endonucleases dependentes de Ca²⁺ e Mg²⁺.