Clangor

A Clangor foi unha discoteca de Santiago de Compostela. Estaba situada no lugar da Ponte da Rocha, ao suroeste da cidade e bastante afastada do centro urbano.

Clangor
A Ponte da Rocha
Instancia de discoteca
Datas e cronoloxía
Acontecementos
	atentado da discoteca Clangor
Localización
42°51′32″N 8°34′18″O
Situado en A Ponte da Rocha
[ Wikidata ]

Historia

A discoteca foi aberta na década de 1980 e foi dirixida por Fernando Pereira e o seu irmán. Ademais da súa función como sala de festas e de baile, tamén organizaba concertos, como os de Godfathers, Ten Years After ou Loquillo y los Trogloditas.^[1]

O 11 de outubro de 1990 o Exército Guerrilheiro do Povo Galego Ceive cometeu un atentado con bomba contra a discoteca. Os terroristas alegaban que a sala era un centro de narcotráfico^[2]. No atentado morreron tres persoas: unha estudante, Mercedes Domínguez Rodríguez, que estaba na discoteca e os dous terroristas, Xosé Ignacio Villar Regueiro e Dolores Castro Lama. Resultaron feridas 49 persoas^[3], algunhas delas de gravidade. Segundo os terroristas, os explosivos deberían estourar ao remate da noite, cando a discoteca estivese pechada^[4], pero a acción dos altofalantes provocou a súa detonación anticipada.

Cultura

Existe un guión cinematográfico sobre a historia que aínda non se formalizou en película^[5].