Minivac 601, ordenador dixital electromecánico creado por Claude Shannon.
Shannon é recoñecido por fundar o campo da teoría da información coa publicación de Unha teoría matemática da comunicación, que supuxo un fito en 1948. é quizais igualmente coñecido por sentar as bases da teoría do deseño do ordenador dixital e o circuíto dixital en 1937. Con 21 anos se encontraba realizando o seu mestrado no Instituto de Tecnoloxía de Massachusetts (MIT) e coa súa tese demostrou que as aplicacións electrónicas de álxebra booleana podían construír calquera relación lóxico-numérica.[3] Shannon contribuíu tamén ao campo do criptoanálise para a defensa nacional durante a segunda guerra mundial, entre os que se inclúen traballos sobre o descifrado de códigos e seguridade nas telecomunicacións.
