Comarca do Morrazo
From Wikipedia, the free encyclopedia
Remove ads
A comarca do Morrazo,[1] é unha comarca galega situada na provincia de Pontevedra. Pertencen a ela os concellos de Bueu, Cangas, Marín e Moaña. Limita ó norte coa ría de Pontevedra, ó leste coa comarca de Pontevedra, ó sur coa ría de Vigo e ó oeste co océano Atlántico.[2]
Para outras páxinas con títulos homónimos véxase: O Morrazo.
É a comarca máis pequena de Galicia (140,64 km², o 0,48% de Galicia).[3] Tiña 82 439 habitantes no 2021, sendo a terceira comarca máis densamente poboada da comunidade (584,66 hab/km²).[4]
É unha das comarcas naturais e sociolóxicas con máis carácter de Galiza polo seu condicionamento xeográfico. A actual comarca administrativa correspóndese só cunha parte da comarca xeográfica e histórica, a Península do Morrazo, que abrangue tamén o concello de Vilaboa (agás a parroquia de Bértola e unha parte da de Figueirido, e o barrio de Paredes na parroquia de Vilaboa). Tamén forma parte da península as parroquias pontevedresas de Lourizán e a maior parte da de Salcedo. Antigamente mesmo a propia cidade de Pontevedra estaba incluída no arciprestado do Morrazo.
O concello de Vilaboa, malia pertencer ó partido xudicial de Cangas, foi integrado na comarca de Pontevedra debido a factores de funcionalidade, e as parroquias pontevedresas de Salcedo e Lourizán por pertencer ó propio concello capitalino. Nun principio tampouco se incluíu o concello de Marín, pero a petición dos seus habitantes, foi integrada na do Morrazo.
Remove ads
Municipios
Os municipios que forman a comarca do Morrazo son:
- Bueu: Municipio de 11.950 habitantes[8] situado ó noroeste.
- Marín: Municipio de 24.242 habitantes[8] situado ó nordeste. Posúe un dos portos de pesca conxelada máis importante de España, tamén é a sede da Mariña.
- Moaña: Municipio de 19.452 habitantes[8] situado ó sueste. Posúe a sede de Fandicosta e estaleiros.
- Cangas: É o municipio máis poboado e importante da comarca, residen nel 26.708 persoas.[8] É un dos puntos turísticos máis importantes de Galicia.
Remove ads
Economía
A economía da comarca baséase no sector servizos e na pesca. Actualmente hai activas na comarca preto de 34.000 persoas.
Delas teñen emprego 29.821 (xuño do 2022) e están desempregadas 5.630.[9]
O Morrazo posúe varios portos:
Porto de Marín: É un porto moi importante no ámbito da pesca fresca, sitúase nun dos postos máis importantes en descarga de peixe de España.
Porto de Cangas: É un porto de baixura, importante no ámbito galego. Un dos portos de baixura máis importantes de Galicia.
Porto de Bueu: É un porto de baixura, destaca pola descarga do polbo.
Porto de Moaña: É un porto no que destaca a descarga de mexillón.
Porto de Aldán: É un porto no que destaca a descarga de mexillón.
O turismo tamén é un factor moi importante na comarca sobre todo no municipio de Cangas, aínda que o turismo é importante en toda a comarca. Esta conta con numerosas praias e numerosos quilómetros de costa.
Remove ads
Demografía
A poboación do Morrazo era de 82.439 habitantes no 2021. A comarca conta cun saldo vexetativo negativo e un saldo migratorio que se alterna por anos. Ao longo da década dos anos dez do século XXI, o concello de Marín foi superado polo de Cangas en poboación.[10] O número de habitantes de Cangas mantívose á alza durante todo o século XXI, experimentando un crecemento constante durante os anos. Caso semellante, pero menos importante en canto a cifras foi Moaña que mantivo unha lixeira tendencia ascendente, mentres que pola contra no de Bueu e especialmente no de Marín a tendencia foi descendente.[10]
Galería de imaxes
- Vexa o artigo principal na Galería de imaxes da comarca do Morrazo
Mapa dos concellos da comarca.
Plano da vila de Bueu.
Plano da vila de Cangas.
Plano da vila de Marín.
Plano da vila de Moaña.
Notas
Wikiwand - on
Seamless Wikipedia browsing. On steroids.
Remove ads