Concello de Karlshamn

Karlshamn é un municipio sueco (kommun) do condado de Blekinge.^[1] A súa capital é Karlshamn. No ano 2022 o concello tiña unha poboación de 32 260 habitantes.^[2]

Concello de Karlshamn

Brasón
Localización
56°10′00″N 14°51′00″L
Estado	Suecia
Condado	condado de Blekinge
Capital	Karlshamn (pt)
Poboación
Poboación	31.742 (2025) (38,12 hab./km²)
Xeografía
Parte de	Blekinge Q61441538 (–2001) Tribunal do distrito de Blekinge (2001–)
Superficie	832,74 km²
Comparte fronteira con	Concello de Sölvesborg Concello de Tingsryd Concello de Olofström concello de Ronneby
Datos históricos
Precedido por	Karlshamn (en)
Creación	1 de xaneiro de 1971:  (Reforma municipal sueca de 1971)
Organización política
• Chairman of the municipal board in Karlshamn Municipality, Sweden (en)	Mats Olsson (en) (1986–1996) Q133464052 (1996–2004) Q133464143 (2004–2014) Per-Ola Mattsson (2015–2022) Magnus Gärdebring (en) (2022–)
Outro
Irmandado con	Stade Svetly (en) Kaliningrado Heinola Sopot
Sitio web	karlshamn.se

O municipio está na zona occidental do landskap de Blekinge. Limita ao oeste co concello de Olofström, ao suroeste co de Sölvesborg, e ao leste co de Ronneby, todos no condado de Blekinge, e ao norte co municipio de Tingsryds no condado de Kronoberg. Ao sur Karlshamn limita co mar Báltico. En dirección norte-sur flúe o río Mörrumsån, que desemboca no Báltico. No concello atópase un dos arquipélagos máis grandes de Blekinge, o arquipélago de Hällaryd.

Administración histórica

A área do concello correspóndese coa das parroquias de Asarum, Elleholm, Hällaryd, Mörrum, Ringamåla e Åryd. Nesa parroquias, agás na de Ringamåla, fundáronse concellos rurais co mesmo nome durante a reforma municipal de 1862. Na zona tamén estaba a cidade de Karlshamn que en 1863 fundou un stadskommun. O municipio rural de Ringamåla fundouse en 1881 ao separarse do concello de Asarum.

Coa reforma municipal de 1952 fundáronse na zona tres grandes concellos: Hällaryd (de Hällaryd e Åryd), Asarum (pola reunificación de Asarum e Ringamåla), e Mörrum (de Elleholm e Mörrum), mentres que a cidade de Karlshamn permaneceu sen cambios.

En 1967 os concellos rurais de Asarum, Hällaryd e Mörrum incorporáronse á cidade. O concello de Karlshamn naceu coa reforma muncipal de 1971 a través da reorganización da cidade de Karlshamn.^[3]

Dende a súa fundación ata o ano 2001 o concello pertenceu ao partido xudicial de Karlshamn, e dende entón pertence ao de Blekinge.^[4]