Constantin Brâncuși

Constantin Brâncuşi, ou Constantin Brancusi na grafía francesa, nado en Hobiţa (distrito Gorj, preto da cidade de Târgu Jiu) o 19 de febreiro de 1876 e finado en París o 16 de marzo de 1957, foi o máis famoso escultor romanés. As súas obras atópanse en museos de Francia, Estados Unidos, Romanía e Australia.

Constantin Brâncuși

Biografía
Nacemento	19 de febreiro de 1876 Hobița (Principados Unidos)
Morte	16 de marzo de 1957 (81 anos) París, Francia
Lugar de sepultura	Cemiterio de Montparnasse
Outros nomes	Brincusi, Constantin
Grupo étnico	Lingua romanesa
Educación	Bucharest National University of Arts (en) Escola Nacional Superior de Belas Artes
Actividade
Campo de traballo	Escultura
Lugar de traballo	París Livorno București (en) India Exipto Villefranche-sur-Saône Nova York
Ocupación	escultor, ilustrador, debuxante arquitectónico, pintor, fotógrafo, artista de assemblage
Período de actividade	1904 - 1956
Membro de	Academia Romena (pt) (valor descoñecido–)
Xénero artístico	Arte abstracta
Movemento	Modernismo, Tinerimea artistică (en) , modernismo catalán e Salonul Oficial
Profesores	Wladimir Hegel (pt) , Dimitrie Gerota, Ion Georgescu (pt) , Antonin Mercier e Auguste Rodin
Alumnos	Hanna Ben Dov (pt) , Miliţa Petraşcu (pt) , Gheorghe Anghel (pt) , Alexandru Călinescu (pt) , Amedeo Modigliani, Romul Ladea (pt) e Isamu Noguchi
Representante	Artists Rights Society
Participou en
28 de xuño de 1964	Documenta III
11 de xullo de 1959	Documenta II (en)
Obra
Obras destacables Măiastra (1909) The Kiss (en) (1910) Sleeping Muse (en) (1923) Pássaro no espaço (pt) (1938) The Endless Column (en)
Arquivos en	Biblioteca Kandinsky [ BRAN]
Descrito pola fonte	Obálky knih, Biographical Dictionary of Central and Eastern Europe in the Twentieth Century (en)

Constantin Brâncuşi, 1905.

Exposición de Brâncuşi no Centro Georges Pompidou, maio de 2024.

Traxectoria

Brâncuşi estudou arte en Craiova (cidade do distrito Dolj, Romanía) desde 1894 a 1898. Logo continuou os seus estudos na Escola Nacional de Belas Artes en Bucarest desde 1898 ata 1901. Chegou a París en 1904 para perfeccionar os seus estudos. Como estudante de arte foi influído por Auguste Rodin e foi un dos primeiros artistas da arte moderna. Estableceu amizade con Amedeo Modigliani, Erik Satie e Marcel Duchamp. A súa obra evolucionou cara a unha eliminación dos detalles que o conduciu case á abstracción. Realizou unha serie de esculturas en metal chamadas "Paxaro no Espazo". En 1928 Joyce visita a Brâncuşi en París. Ao ano seguinte o escultor debuxa varios retratos de Joyce para a portada de varios dos seus traballos, os retratos foron de inspiración simbólica, trazos circulares. Brâncuşi dixo de Joyce " Joyce é así mesmo, comeza nun punto e non volves a velo xamais nel" ^[1]

En Târgu Jiu hai un conxunto escultórico realizado por el de grande importancia. Estas obras atópanse dispostas en liña recta e son:

• A Mesa do Silencio
• A Porta do Bico
• A Columna do Infinito

Este conxunto escultórico simboliza a vida do ser humano.

A Mesa do Silencio e a Porta do Bico atópanse no parque principal da cidade; entre as mesmas atópanse cadeiras tamén feitas por Brancusi e seguindo a imaxinaria liña determinada por estas dúas, chégase a unha das igrexas ortodoxas da cidade. Continuando aínda máis por esta liña, chégase á Columna do Infinito (considerada a súa obra cume) situada tamén nun parque. Entre as obras de Brancusi atópanse: Nai dormente (1906-10), O Bico (1908), A Sabedoría (1909), Prometeo (1911), O Comezo do Mundo (1924), O Paxaro (1924-49), A Columna do Infinito (1933), O Espírito de Buda (1933) e A Galiña (1941).

Brancusi morreu en Francia. Atópase enterrado no cemiterio de Montparnasse, París.

Unha das súas obras foi vendida en 11.1 millóns de dólares estadounidenses.