Cormac McCarthy

Charles McCarthy,^[1] nado en Providence (Rhode Island) o 20 de xullo de 1933 e finado en Santa Fe (Novo México) o 13 de xuño de 2023, foi un escritor estadounidense, coñecido como Cormac McCarthy.

Cormac McCarthy

(1973)
Biografía
Nacemento	(en) Charles Joseph McCarthy Jr. 20 de xullo de 1933 Providence (Estados Unidos de América)
Morte	13 de xuño de 2023 (89 anos) Santa Fe (Estados Unidos de América)
Lugar de sepultura	valor descoñecido
Residencia	Santa Fe (2001–2023) El Paso (1983–2001) Knoxville (1981–) Santa Fe (1980–) Lexington (1979–1980) Nashville (1978–1979) Tucson (1977–1977) El Paso (1977–1977) Rockford (pt) (–1971) Louisville (pt) (1971–1977) Eivisa (1966–) París (–1966) Knoxville (–1965) Irlanda (1965–) condado de Sevier (pt) (–1964) Asheville (1964–) Knoxville (1962–) Chicago (1960–1962) Knoxville (1957–1960) Knoxville (1937–1953) Providence (1933–1937) Alasca Nova Orleáns Washington, D.C.
Relixión	Igrexa católica
Educación	Knoxville Catholic High School (en) - diploma de escola secundaria (valor descoñecido–1951) Universidade do Tennessee (pt) - Artes liberais (1951–1953)
Actividade
Campo de traballo	Drama, prosa, guión cinematográfico e filme
Ocupación	novelista, guionista de cinema, escritor, dramaturgo, guionista
Período de actividade	1965 - 2022
Empregador	Santa Fe Institute (pt)
Membro de	Academia das Artes e das Ciencias dos Estados Unidos (1994–)
Influencias	William Faulkner
Representante	Amanda Urban (en)
Carreira militar
Rama militar	Forza Aérea dos Estados Unidos de América
Obra
Obras destacables Stella Maris (en) (1979) Suttree (en) (1985) Blood Meridian (pt) (1990) The Border Trilogy (en) (1992) Tantos cabaliños lindos (2005) No Country for Old Men (pt) (2006) A Estrada (pt) (2022) The Passenger (en)
Arquivos en	Wittliff collections (en) Collection 091
Familia
Pai	Charles J. McCarthy
Premios
(2009)  Tähtivaeltaja Award (en) (2008)  Ignotus Award for Best Foreign Novel (en) , premiado polo traballo A Estrada (pt) (2007)  Premio Pulitzer de Ficción, premiado polo traballo A Estrada (pt) (2006)  Premio James Tait Black, premiado polo traballo A Estrada (pt) (2006)  Believer Book Award (en) , premiado polo traballo A Estrada (pt) (1992)  National Book Critics Circle Award for Fiction (en) , premiado polo traballo All the Pretty Horses (1992)  National Book Award for Fiction (en) , premiado polo traballo Tantos cabaliños lindos (decembro de 1981)  Bolsa MacArthur (1980)  Lillian Smith Book Award (en) , premiado polo traballo Suttree (en) (1976)  Bolsa de estudos Guggenheim (1969)  Bolsa de estudos Guggenheim
Sinatura
Descrito pola fonte	The Cormac McCarthy Journal (en)
Sitio web	cormacmccarthybooks.com
sen valor

Traxectoria

Nado en Rhode Island, en 1937 mudouse coa súa familia a Knoxville, onde o seu pai traballaba como avogado para Tennessee Valley Authority.^[2] Ingresou na Universidade de Tennessee (1951-52 e 1957-59) mais non chegou a graduarse. Durante os anos de universidade publicou os seus dous primeiros relatos.

En 1961 casou coa súa compañeira Lee Holleman, coa que tivo un fillo, Cullen. Mentres Lee estaba a coidar do neno, McCarthy pediulle que buscase un traballo para que el se puidese dedicar plenamente á literatura. Consternada coa situación, Lee marchou a Wyoming, onde solicitou o divorcio e conseguiu emprego como mestra.^[3]

A primeira novela de McCarthy, The Orchard Keeper, foi publicada por Random House en 1965. Ese verán embarcou no Sylvania para visitar Irlanda e alí coñeceu a Anne DeLisle, que traballaba no barco de cantante e coa que casou en Inglaterra en 1966. Ese mesmo ano recibiu unha bolsa da Rockefeller Foundation que empregou en viaxar polo sur de Europa ata chegar a Eivisa, onde escribiu a súa segunda novela, Outer Dark. Despois regresou aos Estados Unidos e a novela foi publicada en 1968 con boas críticas.^[4]

En 1969 o matrimonio mudouse a Louisville, Tennessee, e compraron un pendello que McCarthy restaurou.^[4] Alí escribiu Child of God, baseada en sucesos reais, publicada en 1973. En 1976 separouse de Anne e mudouse a El Paso, Texas e en 1979 publicou a súa novela Suttree, que levaba sendo escrita desde había vinte anos.

Cos cartos do MacArthur Fellows Program (1981) escribiu a novela Blood Meridian, publicada en 1985. Unha enquisa a escritores feita en 2006 por The New York Times Magazine para escoller as mellores novelas estadounidenses dos vinte e cinco anos anteriores incluíuna como a terceira, tras Beloved, de Toni Morrison e Underworld, de Don DeLillo. En 1992 recibiu o National Book Award e o National Book Critics Circle Award por All the Pretty Horses. A novela de 2006 A estrada foi recoñecida internacionalmente e gañou o premio Pulitzer.

Celoso da súa intimidade deu a súa primeira entrevista televisiva o 5 de xuño de 2007 no programa The Oprah Winfrey Show, despois de que a súa presentadora Oprah Winfrey escollese a novela A estrada como o libro do seu club de lectura para abril de 2007.^[5] En outubro dese ano a revista Time publicou unha conversa entre McCarthy e os irmáns Coen sobre a adaptación da novela No Country for Old Men.^[6]

Obra

Novelas

• The Orchard Keeper (1965) ISBN 0-679-72872-4
• Outer Dark (1968) ISBN 0-679-72873-2
• Child of God (1973) ISBN 0-679-72874-0
• Suttree (1979) ISBN 0-679-73632-8
• Blood Meridian (1985) ISBN 0-679-72875-9
• All the Pretty Horses (1992) ISBN 0-679-74439-8
• The Crossing (1994) ISBN 0-679-76084-9
• Cities of the Plain (1998) ISBN 0-679-74719-2
• No Country for Old Men (2005) ISBN 0-375-70667-4
• A estrada (2006) ISBN 0-307-38789-5

Relatos

• Wake for Susan (1959)^[7]
• A Drowning Incident (1960)^[8]

Guións

• The Gardener's Son (1976) ISBN 0-88001-481-4
• The Sunset Limited (2011)
• The Counselor (2013)^[9]

Obras teatrais

• The Stonemason (1995) ISBN 978-0-679-76280-5
• The Sunset Limited (2006) ISBN 0-307-27836-0