Craqueamento

En química, o craqueo ou craqueamento, é un proceso no que moléculas orgánicas complexas (como queróxenos ou hidrocarburos pesados) descompoñen en moléculas máis simples (por exemplo, hidrocarburos lixeiros) ao romper os seus enlaces C-C.

Refinería de craqueo en Bakú, na República Socialista Soviética de Azerbaixán, en 1934.

A velocidade do proceso de craqueamento e o tempo que tarda en formarse os produtos finais dependen moito da temperatura e dos catalizadores existentes. O cracking é a descomposición dun alcano grande en alcanos máis pequenos e máis útiles e un alqueno.

O craqueo emprégase no petróleo para formar produtos "lixeiros" como a gasolina.

Normalmente produce un alcano de cadea curta e un alqueno de cadea longa. Os hidrocarburos son compostos que só conteñen átomos de carbono e hidróxeno.

Terminoloxía

O termo provén do inglés crack / cracking, (quebrar), pois é iso o que acontece: québranse moléculas longas en moléculas menores.^[1] O craqueamento tamén é coñecido ás veces como pirólise, pero esta realízase en ausencia completa de osíxeno.^[2]