Cricétidos

A dos cricétidos (Cricetidae) é unha familia de roedores miomorfos que forma parte da gran superfamilia dos muroideos.

Cricétidos Cricetidae Rango fósil: oligoceno - actualidade
Hámster anano de Campbell (Phodopus campbelli)
Clasificación científica
Reino: Animalia Filo: Chordata Subfilo: Vertebrata Clase: Mammalia Infraclase: Placentalia (= Eutheria) Orde: Rodentia Suborde: Myomorpha Superfamilia: Muroidea Familia: Cricetidae Fischer, 1817
Subfamilias
Véxase o texto

Esta familia inclúe, entre outros animais, aos hámsteres, as ratas de auga, os lemmings e as ratas e ratos do Novo Mundo. Con case 600 especies, é a segunda familia de mamíferos máis numerosa.

Os cricétidos foron inicialmente clasificados como parte da familia dos múridos e despois como unha subfamilia desta. Por outro lado, estudos xenéticos modernos puxeron en evidencia que parte das subfamilias e xéneros que foron incluídos tradicionalmente entre os critécidos non forman parte desta familia.

Taxonomía

A familia foi descrita en 1817 polo entomólogo e paleontólogo alemán, nacionalizado ruso, Johann Fischer von Waldheim, en Mém. Soc. Imp. Nat. Moscow, '5: 372.^[1]

Na actualidade, a familia dos cricétidos subdivídese en 6 subfamilias (máis unha extinta), que inclúen 112 xéneros e unhas 580 especies vivas.^[1]

Familia Cricetidae

• Subfamilia Arviolinae - curtas, ratas de auga, lemmings e ratas almiscreiras
• Subfamilia Cricetinae - hámsteres
• Subfamilia Lophiomyinae - Lophiomys imhausi
• Subfamilia Neotominae - ratos e ratas do Novo Mundo
• Subfamilia Sigmodontinae - pequenos ratos americanos
• Subfamilia Tylomyinae - pequenos ratos americanos
• Subfamilia †Democricetodontinae - extinta

Controversia

A posición da subfamilia dos Lophiomyinae (cun único xénero, Lophiomys, e unha únicxa especie, L. imhausi) é incerta; foi considerada tamén como familia independente (Lophiomyidae), ou como subfamilia das familias dos  Muridae e dos Nesomyidae.^[2]