Criptobrancoideos

A dos criptobrancoideos (Cryptobranchoidea) é unha suborde de anfibios da orde dos caudados ou urodelos.

Criptobrancoideos Cryptobranchoidea Rango fósil: xurásico tardío - actualidade [1] 160 Ma - 0 Ma
Cryptobranchus alleganiensis
Clasificación científica
Reino: Animalia Filo: Chordata Subfilo: Vertebrata Superclase: Tetrapoda Clase: Amphibia Subclase: Lissamphibia Orde: Caudata Suborde: Cryptobranchoidea Dunn, 1922
Familias
Cryptobranchidae Hynobiidae

O grupo constitúe un clado monofilético.^[2]

Na actualidade comprende dúas familias, criptobránquidos e hinobíidos, con xéneros, con numerosas especies.^[3]

Características

As súas especies son coñecidos como salamánigas primitivas, en contraste coa da suborde dos salamandroideos ou salamántigas avanzadas.^[4]

Unha das súas caracterísiticas típicas é a de posuíren fendeduras branquiais durante o estado adulto, (ao que alude o seu nome).^[5]

As especies da familia dos Cryptobranchidae, que son completamente acuáticas, coñécense como salamánigas xigantes debido ao seu gran tamaño.

Distribución

Encóntrase no leste dos Estados Unidos, na China en Taiwán e no Xapón.

Taxonomía

Andrias japonicus.

Hynobius kimurae.

Paradactylodon persicus.

Descrición

A suborde foi descrita en polo herpetólogo estadounidense Emmett Reid Dunn, no seu traballo:

Dunn, E. R. (1922): "The sound-transmitting apparatus of salamanders and the phylogeny of the Caudata". The American Naturalist, 56: 418-487.

Etimoloxía

O nome científico Cryptobranchoidea está formado polos elementos do latín científico crypto-, -branch- e -oidea (plural de -oideus), tirados, respectivamente, dos termos do grego antigo κρυτός cryptós, 'oculto'; βράγχια bránchia, 'branquia' e εἴδος eídos, 'aspecto', 'aparencia', 'forma'. Literalmente: 'os que teñen as branquias aparentemente ocultas' (debido a que presentan fendeduras branquiais durante o estado adulto).

Clasificación

A suborde comprende na actualidade só dúas familias, cos doce xéneros que se indican:^[3]

Suborde Cryptobranchoidea Dunn, 1922

• Familia Cryptobranchidae Fitzinger, 1826 ^[6]
  • Xénero Andrias Tschudi, 1837
  • Xénero Cryptobranchus Leuckart, 1821
• Familia Hynobiidae Cope, 1859 ^[7]
  • Subfamilia Hynobiinae Cope, 1859 ^[8]
    • Xénero Batrachuperus Boulenger, 1878
    • Xénero Hynobius Tschudi, 1838
    • Xénero Liua Zhao & Hu, 1983
    • Xénero Onychodactylus Tschudi, 1838
    • Xénero Pachyhynobius Fei, Qu & Wu, 1983
    • Xénero Paradactylodon Risch, 1984
    • Xénero Pseudohynobius Fei & Yang, 1983
    • Xénero Ranodon Kessler, 1866
    • Xénero Salamandrella Dybowski, 1870
  • Subfamilia Protohynobiinae Fei & Ye, 2000 ^[9]
    • Xénero Protohynobius Fei & Ye, 2000

Outras familias extinguíronse no pasado e só se coñecen polos seus restos fósiles.