Dark Matter Particle Explorer

Dark Matter Particle Explorer ou DAMPE, tamén coñecido como Wukong, é un observatorio espacial da China lanzado o 17 de decembro de 2015 a bordo dun foguete CZ-2D desde o Centro de Lanzamento de Satélites de Jiuquan.^{[1][2][4][5][6][7]}

Dark Matter Particle Explorer / DAMPE / Wukong
Tipo	Observatorio espacial
Contratistas principais	Academia de Ciencias da China
Data de lanzamento	17 de decembro de 2015[1][2][3]
Foguete portador	CZ-2D[2][4]
Sitio de lanzamento	Centro de Lanzamento de Satélites de Jiuquan[2][3][4][5]
Obxectivo da misión	Observatorio espacial de altas enerxías.[2][3][4][5]
NSSDC ID	2015-078A
Datos orbitais
Semieixo maior	6869 km[1]
Inclinación	97,4°[1]
Apoapse	507,3 km[1]
Periapse	489,3 km[1]
v c e

Características

DAMPE é un observatorio espacial operado pola Academia de Ciencias da China adicado á detección de partículas enerxéticas como raios gamma, electróns de alta enerxía e raios cósmicos. O obxectivo do observatorio é buscar e estudar partículas de materia escura mediante observación de partículas de alta enerxía, estudar a orixe dos raios cósmicos e analizar o mecanismo de aceleración dos raios cósmicos.^{[1][2][4][5][6][7]}

O observartorio foi inxectado nunha órbita heliosincrónica cunha altitude de 500 km e unha inclinación de 97,4 graos. Ten unha masa de preto de 1900 kg e leva a bordo catro experimentos:^{[1][2][4][5][6][7]}

• Un hodoscopio formado por un conxunto de láminas de plástico de centelleo.
• Un seguidor de silicio-tungsteno para determinar a dirección dos raios gamma.
• Un calorímetro de bismuto e óxito de xermanio para medir a enerxía das partículas incidentes.
• Un detector de neutróns.

O rango de enerxías detectables por DAMPE van dos 5 GeV a 10 TeV para electróns e de 100 GeV a 100 TeV para raios cósmicos.^{[1][2][4][5][6][7]}