DART

DART (acrónimo de Demonstration for Autonomous Rendezvous Technology) é un satélite artificial da NASA lanzado o 15 de abril de 2005 desde a base Vandenberg da Forza Aérea mediante un foguete Pegasus XL lanzado desde un avión Lockheed L-1011 TriStar.^[3]

DART
Preparación de DART antes do lanzamento.
Tipo	Demostrador tecnolóxico.
Organización	NASA
Destino actual	Retirado.
Satélite de	Terra
Data de lanzamento	15 de abril de 2005, 18:25 UTC[1][2][3]
Foguete portador	Pegasus XL[2][4]
Sitio de lanzamento	Base Vandenberg da Forza Aérea[2]
Obxectivo da misión	Demostrador tecnolóxico para técnicas de cita espacial automática.[2]
NSSDC ID	2005-014A
Masa	360 kg[2][5]
Datos orbitais
Semieixo maior	6907,6 km[1]
Inclinación	96,6 graos[1]
Apoapse	685,8 km[1]
Periapse	387,4 km[1]
v c e

Representación artística de DART (en primeiro plano) aproximándose a MUBLCOM.

Características

DART foi un demostrador tecnolóxico deseñado para ensaiar e probar técnicas automáticas de cita espacial e manobrar arredor doutro satélite co fin de desenvolver métodos que permitan o uso futuro de naves reutilizables mediante o reaprovisionamento automático de propelente, o transporte autónomo de carga e outras posibilidades^[4]. Neste caso, o satélite obxectivo foi o MUBLCOM.^[2]

A misión deuse por errada debido a un problema con DART cando estaba a 91 metros de MUBLCOM, provocando a colisión entre os dous satélites sen que ningún deles sufrira danos aparentes.^[2][4]