Dahomey

O Reino de Dahomey foi un reino africano (localizado dentro da área do actual Benín) que existiu dende 1600 até 1894, cando o último rei, Béhanzin, foi derrotado polos franceses, e o país foi anexionado ó imperio colonial francés. Dahomey desenvolveuse na chaira de Abomey a partir do pobo fon a comezos do século XVII e converteuse nun poder rexional no século XVIII mediante a conquista de cidades importantes na costa Atlántica.

Para outras páxinas con títulos homónimos véxase: Dahomey (homónimos).

Dahomey

Localización
7°11′08″N 1°59′17″L
Capital	Abomei
Poboación
Lingua usada	Lingua fon
Relixión	relixión de Dahomey
Datos históricos
Precedido por	Reino de Ardra e Reino de Whydah
Creación	década de 1600
Disolución	15 de xaneiro de 1894
Sucedido por	Dahomey francés
Organización política
Forma de goberno	monarquía absoluta
• Xefe de estado	Ghezo

Durante os século XVIII e XIX, o Reino de Dahomey foi un importante estado na súa rexión, deixando de ser estado tributario do Imperio de Oyo.^[1] O reino de Dahomey foi un poder rexional que tiña unha economía doméstica organizada no comercio e no traballo de escravos,^[2] cunha significativa relación comercial cos europeos, unha administración centralizada, sistema de impostos e grande organización militar. Neste reino salienta a súa obra artística, unha unidade militar completamente feminina chamada as amazonas de Dahomey polos observadores europeos, e as elaboradas prácticas relixiosas do vodú, cun gran festival anual. Comerciaron con prisioneiros, que capturaron durante guerras e redadas, e intercambiáronos cos europeos en troques de bens como coitelos, baionetas, armas de fogo, tecidos e licores.

Reis de Dahomey

1. Gangnihessou (1600-1620)
2. Dakodonou (1620-1645)
3. Aho Houegbadja (1645-1685)
4. Houessou Akaba (1685-1708)
5. Agadja (1708-1740)
6. Tegbessou (1740-1774)
7. Kpengla (1774-1789)
8. Agonglo (1789-1797)
9. Adandozan (1797-1818)
10. Ghézo (1818-1858)
11. Glélé (1858-1889)
12. Behanzin (1889-1894)
13. Agoli-Agbo (1894-1900)