Daniel Kaluuya

Daniel Kaluuya, nado en Londres o 24 de febreiro de 1989,^[1] é un actor inglés.

Daniel Kaluuya

(2017)
Biografía
Nacemento	24 de febreiro de 1989 (36 anos) Londres, Reino Unido
Residencia	West London (en)
Educación	St Aloysius' College (en) (valor descoñecido–) The Camden School for Girls (en) Anna Scher Theatre (en) St Aloysius RC College
Actividade
Campo de traballo	Produción de cinema
Ocupación	humorista, guionista, actor de dobraxe, guionista de cinema, produtor de cinema, actor, presentador de televisión, actor de televisión, actor de cinema, actor de teatro, director de cinema
Período de actividade	2006 -
Premios
(25 de abril de 2021)  Óscar ó mellor actor secundario, premiado polo traballo Judas and the Black Messiah (abril de 2021)  BAFTA ao mellor actor secundario, premiado polo traballo Judas and the Black Messiah (2021)  Time 100

Traxectoria

Kaluuya naceu en Londres de pais de Uganda. A súa nai,^[2][3] criouno nunha vivenda municipal de Camden Town, xunto cunha irmá máis vella. O seu pai vivía en Uganda e non tiveron contacto con el ata que cumpriu quince anos.^[4] Kaluuya asistiu á Torriano Primary School^[5] e ao St Aloysius College, Londres.^[3]

Escribiu a súa primeira obra de teatro aos nove anos e posteriormente comezou a súa carreira na adolescencia no teatro improvisado.^[6] Posteriormente interpretou a Posh Kenneth nas dúás primeira temporadas da serie Skins, da que tamén coescribiu algúns episodios.^[7] Kaluuya foi especialmente eloxiado pola súa actuación en Sucker Punch no Royal Court Theatre de Londres e gañou o Evening Standard Award e o Critics' Circle Theatre Award ao mellor debutante.^[8] En 2018, recibiu tamén o BAFTA Rising Star Award.

A finais da década de 2000 e principios da de 2010, destacou polas súas interpretacións de Michael "Tealeaf" Fry na serie de comedia negra da BBC Psychoville, de Michael "Mac" Armstrong na serie de terror de BBC Three The Fades e de Bingham "Bing" Madsen no episodio de Black Mirror "Fifteen Million Merits".^[9] Apareceu como o axente Colin Tucker no filme de espías cómico Johnny English Reborn (2011) e como Black Death in no filme de superheroes Kick-Ass 2 (2013). En 2015, tivo un papel secundario no suspense de Denis Villeneuve Sicario.

En 2017, Kaluuya realizou o seu papel revelación ao protagonizar o filme de terror de Jordan Peele Déixame saír, que lle valeu unha candidatura ao Óscar ao mellor actor.^[10] A este seguírono o filme de superheroes de Ryan Coogler Black Panther (2018), Widows (2018), de Steve McQueen, e Queen e Slim (2019), de Melina Matsoukas. Pola súa interpretación do líder do Panteras Negras Fred Hampton en Judas and the Black Messiah (2021), gañou o Óscar, o Globo de Ouro, o Critics' Choice Movie Award, o Screen Actors Guild Award e o BAFTA ao mellor actor secundario.

Filmografía

Ano	Título	Personaxe	Notas
2006	Shoot the Messenger	Reece
2008	Cass	Young Cass Pennant
2010	Chatroom	Mo
2011	Johnny English Reborn	Agent Colin Tucker
2013	Welcome to the Punch	Juka Ogadowa
	Kick-Ass 2	Black Death
2015	Sicario	Reggie Wayne
2017	Déixame saír	Chris Washington
2018	Black Panther	W'Kabi
	Widows	Jatemme Manning
2019	Queen e Slim	Slim
2020	A Christmas Carol	Ghost of Christmas Present (voz)
2021	Judas and the Black Messiah	Fred Hampton