DeMar DeRozan

DeMar Darnell DeRozan, nado o 7 de agosto de 1989 en Compton, California, é un xogador profesional de baloncesto estadounidense que xoga nos Chicago Bulls da National Basketball Association (NBA). Con 2,01 metros de altura, xoga na posición de escolta.

DeMar DeRozan

(2022)
Biografía
Nacemento	7 de agosto de 1989 (36 anos) Compton, Estados Unidos de América
Educación	Universidade do Sur de California Compton High School (en)
Altura	201 cm
Peso	100 kg
Actividade
Ocupación	baloncestista
Período de actividade	2009 -
Nacionalidade deportiva	Estados Unidos de América
Deporte	baloncesto
Liga	Baloncesto masculino da División I da NCAA e National Basketball Association
Posición de xogo	Escolta
Número deportivo	10
Convocado por	Toronto Raptors
Traxectoria   Equipo 2008–2009 USC Trojans 2009–2018 Toronto Raptors
Participou en
2016	Xogos Olímpicos de 2016
2014	Campionato do Mundo de Baloncesto de 2014

Traxectoria deportiva

Universidade

Tras participar en 2008 no prestixioso McDonald's All American Team,^[1] no cal ademais logrou gañar o concurso de mates,^[2] xogou unha única tempada cos Trojans da Universidade do Sur de California, na que fixo 13,9 puntos e 5,7 rebotes por partido.^[3] Foi elixido coma mellor xogador do torneo da Pacific-10 Conference, tras facer 19,8 puntos no mesmo, e estar incluído no mellor quinteto de novatos da conferencia.^[4] O 8 de abril de 2009 DeRozan anunciou que se declaraba elixible para o Draft da NBA, renunciando aos seus tres últimos anos de universidade.^[5]

Estatísticas

Tempada	Equipo	P	PTS	REB	AST	ROUB	TAP	%TC	%3P	%TL	MIN	PER
2008-09	USC Trojans	35	13.9	5.7	1.5	0.9	0.4	.523	.167	.646	33.4	2.1
Total:		35	13.9	5.7	1.5	0.9	0.4	.523	.167	.646	33.4	2.1

NBA

DeRozan foi escollido polos Toronto Raptors no Draft da NBA de 2009 no posto número nove da primeira rolda.^[6] O 9 de xullo de 2009, asinou o seu contrato de rookie cos Raptors.^[7]

O 18 de xullo de 2018, DeRozan foi traspasado xunto a Jakob Pöltl e unha elección da primeira rolda do Draft de 2019 ós San Antonio Spurs, a cambio de Kawhi Leonard e Danny Green.^[8]