Dido and Aeneas

Dido and Aeneas (en galego, Dido e Eneas) é unha ópera en tres actos con música de Henry Purcell e libreto en inglés do dramaturgo e poeta Nahum Tate (1652-1715), baseado na súa traxedia Brutus of Alba or The Enchanted Lovers e no canto IV de Eneida de Virxilio.^[5] Foi composta en 1682 e posúe número de catálogo Z. 626.^[6]

Banquete de Dido e Eneas
Forma	Ópera
Actos e escenas	2 actos
Idioma orixinal do libreto	Inglés
Libretista	Nahum Tate
Fontes literarias	Baseada na obra Brutus of Alba (1678) e no Libro IV de Eneida de Virxilio (29-19 a. C.)[1]
Estrea	Primavera de 1689
Teatro da estrea	Mr. Josias Priest's Boarding School for Girls
Lugar da estrea	Chelsea, Londres
Duración	1 hora
Música
Compositor	Henry Purcell
coro	Participación destacable[2]
Personaxes
Dido (soprano dramática ou mezzosoprano) Belinda (soprano lírica) A Feiticeira (mezzosoprano) Eneas (tenor dramático ou mezzosoprano) Un Mariño (tenor lírico)[3] Un Espírito (mezzosoprano)[4]

Relata a historia de amor entre Dido, raíña de Cartago e o heroe troiano Eneas, e a súa desesperación cando a abandona. Unha obra monumental na ópera barroca, lémbrase como unha das máis destacadas obras teatrais de Purcell.^[5] Dido e Eneas foi a primeira ópera de Purcell e encóntrase entre as primeiras óperas inglesas, e debe moito a Venus and Adonis, ópera de John Blow, tanto en estrutura como no efecto xeral.^[5]

É unha das óperas máis importantes do Barroco e está considerada como a primeira ópera nacional inglesa. Pode considerarse como a única ópera -no sentido estrito do xénero- verdadeira de Purcell, se se compara con outras obras como King Arthur (1691) ou The Fairy Queen (1692), que responden ao perfil de semióperas. Dido e Eneas é un dos dramas máis coñecidos de Purcell e quizais de toda a produción inglesa.

A primeira representación tivo lugar na escola de rapazas de Josias Priest en Londres non máis tarde do verán de 1688. A estrea comercial foi en Londres a principios de 1700.