Douglas C-47 Skytrain

O Douglas C-47 Skytrain ou Dakota (designación da RAF) é un avión militar de transporte desenvolvido a partir do avión de pasaxeiros civil Douglas DC-3. Foi usado estensamente polos Aliados durante a segunda guerra mundial e aínda está en servizo activo con varias forzas aéreas hoxe en día.

Douglas C-47 Skytrain
Instancia de	familia de aeronaves
Subclase de	Douglas DC-3 e land-based airlifter monoplane (en)
Baseado en	Douglas DC-3
Produción
País de orixe	Estados Unidos de América
Fabricante	Douglas Aircraft Company
Total producido	10.174
Características
Autonomía	2.400 km
Identificador militar	C-47, C-47, CC-129, Dakota, Dakota, Dakota e R4D
Datas e localizacións
Primeiro voo	23 de decembro de 1941
Dimensións
Altura	5,16 m
Lonxitude	19,64 m
Envergadura	28,95 m
Altitude operacional	7.000 m
Persoas e organizacións
Desenvolvedor	Douglas Aircraft Company
Operador/a Forza Aérea dos Estados Unidos de América Luftwaffe Forza Aérea de Suecia Real Forza Aérea de Dinamarca Forza Aérea de Finlandia Rhodesian Air Force (en) Royal Air Force Real Forza Aérea do Canadá Armada dos Estados Unidos de América Real Forza Aérea de Noruega
Fontes e ligazóns
Descrito pola fonte The International Directory of Military Aircraft 1996/97 (en) Jane's American Fighting Aircraft of the 20th Century (en) U.S. Army Aircraft Since 1947 (en)
[ Wikidata ] [ G:Commons ] [ C:Commons ]

Deseño e desenvolvemento

O C-47 diferénciase do DC-3 civil en numerosas modificacións, como unha porta de carga, un chan reforzado, puntos de ancoraxe para un elevador, un cono de cola máis curto para grilletes de remolque para planeadores, e un astrodomo no teito da cabina.^[1][2]

O especializado C-53 Skytrooper de transporte de tropas comezou a fabricarse en outubro de 1941 na planta de Douglas Aircraft en Santa Monica, California. Esta variante carecía da porta de carga, puntos de ancoraxe do elevador e chan reforzado do C-47. Só se fabricaron 380 unidades en total, xa que se demostrou que o C-47 era máis versátil.

Durante a segunda guerra mundial, as forzas armadas de moitos países usaron o C-47 e DC-3 modificados para o transporte de tropas, carga e feridos. A designación para a Armada estadounidense foi R4D. En total fabricáronse máis de 10 000 avións nas fábricas de Long Beach, Santa Monica e Oklahoma City. Entre marzo de 1943 e agosto de 1945 a planta de Oklahoma City fabricou 5 354 C-47.^[3][4]