Dragón de Komodo

O dragón de Komodo (Varanus komodoensis) é unha especie de lagarto que vive nas illas de Komodo, Rinca, Flores, Gili Motang e Gili Dasami, en Indonesia central.^[3] É un membro da familia dos varanos (Varanidae), e é a especie máis grande vivente de lagartos; que acada unha medida de dous a tres metros e pesa aproximadamente setenta quilogramos. A súa medida infrecuente atribúese ó xigantismo insular, xa que non hai outros animais carnívoros que poidan cubrir o nicho das illas onde viven, e tamén ó ritmo metabólico baixo do dragón de Komodo.^[4][5] Como resultado do seu tamaño, estes lagartos son depredadores alfa, e dominan os ecosistemas onde habitan.^[6] Malia que os dragóns de Komodo se alimentan principalmente de prea, tamén emboscan e cazan presas, incluíndo invertebrados, aves e mamíferos.

Dragón de Komodo[1]
Estado de conservación
Vulnerable
Clasificación científica
Orde: Squamata Suborde: Scleroglossa Familia: Varanidae Xénero: Varanus Especie: V. komodoensis
Nome binomial
'Varanus komodoensis' Ouwens, 1912[2]
Distribución do dragón de Komodo. Distribución do dragón de Komodo.