Prea

A prea^[1][2] é carne corrompida, a carne de animais mortos que serve de alimento a certos animais necrófagos que se alimentan de cadáveres.

Voitres africanos comendo os restos dun ñu en Kenya.

A carne comeza a súa descomposición dende o intre no que morre o animal, atraendo aos insectos e sufrindo a proliferación de bacterias. Pouco despois da morte do animal, o corpo emite un fedor causado pola presenza das bacterias e dúas substancias chamadas cadaverina e putrescina, ademais doutros compostos intermedios como a mortina, a putrefactina e a necroctina.