Ernai

Ernai (do éuscaro, 'Atento' ou 'Esperto') é unha organización política xuvenil que actúa en Euskadi e Navarra. Do mesmo xeito que se considerou a Sortu como formación herdeira de Batasuna, tamén se considerou a Ernai como herdeira de Segi.^[1][2] Defínese principalmente como independentista, socialista e feminista. Malia recoñecer Euskal Herria como marco de loita, non ten presenza en Iparralde, xa que ese espazo político é ocupado pola organización Aitzina!.

Ernai
Instancia de organización política xuvenil
Ideoloxía política esquerda abertzale modo de produção socialista (pt) nacionalismo vasco feminismo
Datas  Fundación / creación 2 de marzo de 2013
Localización  Área de operación Hegoalde  País España
Fontes e ligazóns  Páxina WEB ernai.eus
Wikidata C:Commons

Historia

Ernai constituíuse na localidade navarra de Lizarra o 2 de marzo de 2013 como organización xuvenil da esquerda abertzale, trala disolución de Segi en 2012. O acto de presentación contou coa presenza do histórico militante abertzale Joseba Álvarez no nome de Sortu, a secretaria xeral do sindicato LAB, Ainhoa Etxaide, e o expreso de ETA Oier González.^[2]

Malia ser organicamente independente de Sortu, tamén asume o relatorio abertzale Zutik Euskal Herria.^[3][4]

O principal eido de traballo de Ernai é a creación de novos modelos de vida. Traballa, así, cuestións como a socioeconomía, o lecer, a lingua éuscara, a educación formal, o ecoloxismo, o feminismo, o internacionalismo ou a formación política e ideolóxica. Así mesmo, busca avanzar no proceso de resolución do «conflito vasco».