Escada

Unha escada^[1], escala, esqueiro ou esqueira é unha escaleira normalmente de madeira ou metálica formada por dúas hastas (pezas longas verticais) ligadas por barras ou paus horizontais, que pode ser portátil ou mecánica adaptábel a un vehículo^[2]. Serven para que as persoas poidan ascender e descender de lugares inaccesíbeis por se atoparen a distinta altura ou nivel. Empréganse principalmente en actividades de bricolaxe, xardinaxe, fruticultura.

Para outras páxinas con títulos homónimos véxase: Escada.

• Este artigo trata sobre o trebello, para o grupo de uvas en que se divide un cacho, véxase: Acio.

Escada
Subclase de ferramenta escaleira
Uso escalada
Identificadores Freebase /m/012w5l
Fontes e ligazóns  Descrito pola fonte Metropolitan Museum of Art Tagging Vocabulary Encyclopædia Britannica "1911 Encyclopædia Britannica/Ladder (en) " Paulys Realenzyklopädie der klassischen Altertumswissenschaft "Scala 2 (Pauly-Wissowa)"
Wikidata G:Commons C:Commons

Escada de apoiar tradicional.

Por extensión chámase escada ao guión detallado que reflicte os contidos e a súa duración dentro dun programa, así como a súa forma de presentación^[3].

Partes

Están compostas por dous montantes ou hastas de lonxitude variábel unidos transversalmente grazas a traveseiros colocados de xeito equidistante chamados banzos ou chanzos que permiten o ascenso progresivo até a zona desexada. Son trebellos facilmente transportábeis pola súa levidade. Orixinalmente fabricábanse de madeira e ademais dos usos actuais eran comúns para acceder a sobrados e faiados. Actualmente o material máis utilizado é o aluminio pola súa lixeireza e porque permite unións entre banzos e montantes de maior consistencia, que prolongan a vida útil da escada.

Tipos e normativa

De forma xenérica, as escadas pódense dividir en dous grupos:

• Apoiábeis, as tradicionais, non teñen estabilidade por si mesmas e cómpre apoialas no elemento a ascender: parede, árbore, fachada, sobrado, etc.
• Autoestábeis ou dobres^[4]. Susténtanse por si mesmas.

Tamén existen as seguintes:

• Corredeira
• Telescópicas ou extensíbeis
• Con plataforma

Existen infinidade de modelos de escadas en función da altura, o número de pasos, artellamento, etc. Algunhas dispoñen de plataformas de traballo, varandas e elementos de ancoraxe para realizar tarefas a determinada altura con total seguranza.

A normativa DIN EN 131 regula, a nivel europeo a fabricación e características das escadas.

Galería de imaxes

• 
  Escada de plataforma.
• 
  Escada dobre.
• 
  Escada telescópica.
• 
  Escada de bombeiro.
• 
  Escada extensíbel.
• 
  Rapaces a rubir por unha escada de madeira.
• 
  Unha escada de uso cerimonial en Indonesia.
• 
  Escada metálica telescópica.