Escarlatina

A escarlatina^[1] é unha doenza infecciosa causada polo estreptococo beta hemolítico do grupo A (Streptococcus pyogenes), que atinxe principalmente aos nenos, sendo a bacteria sensíbel á penicilina, entre outros antibióticos. A escarlatina é case sempre unha complicación da amigdalite/farinxite estreptocócica, aparecendo cerca de dous días logo do inicio dos síntomas desta.

Escarlatina
Eritemas provocadas na pel pola febre escarlata
Instancia de	doenza infecciosa e clase de doenza
Subclase de	doença do trato respiratório superior (pt) , infección estreptocócica e doenza
Causado por	Streptococcus pyogenes
Síntomas	lingua de framboesa, febre, dor abdominal, vómito, exantema (pt) , Amigdalite, adenopatía, inflamación da gorxa, ring of paleness around the mouth (en) , Pastia's lines (en) e Taquicardia
Especialidade médica	infectoloxía e pediatría
Exames médicos	exame médico
Fármacos usados de tratamento penicilina vancomicina (pt) clindamicina (pt) cefalosporina (pt) Macrólido anti-histamínico (pt)
Proceso de transmisión	droplet transmission (en)
Fontes e ligazóns
MeSH	D012541
WordLift	data.medicalrecords.com…
DiseasesDB	29032
ICD-10	A38
ICD-9	034
MedlinePlus	000974
eMedicine	derm/383
Descrito pola fonte Dicionario Enciclopédico Brockhaus e Efron Q24488097 Encyclopædia Britannica 1911 Encyclopædia Britannica/Scarlet Fever (en) Pequeno Dicionario Enciclopédico de Brockhaus e Efron Q24748219 Dicionario enciclopédico de escritorio Q107402012
Aviso médico. Advertencia: A Wikipedia non dá consellos médicos. Se cre que pode requirir tratamento, por favor, consúltello ao médico. [ Wikidata ] [ G:Commons ] [ C:Commons ]

As persoas infectadas polo axente, na maioría das veces, teñen febre e dores na gorxa (odinofaxia), o que dificulta a inxestión de alimentos. A pel sofre alteracións visíbeis, como escamación e arroibamento.

Caracterízase por eritemas (arroibamento cutáneo) que se espallan a partir dun punto no corpo, deixando as palmas das mans e dos pés e a rexión darredor da boca inalteradas. A lingua, inicialmente, é amarela debido á inflamación, mais despois escama e se torna vermello viva, con aparencia dun amorodo. Nalgúns casos, a lingua fica con bóchegas pequenas.

A súa transmisión acontece a través da saliva, por vía nasal, tose, espirros e respiración ou aínda a través do contacto con vestiario e obxectos contaminados.

O tratamento faise a través da administración de antibióticos, constituíndo a penicilina, aínda hoxe, o fármaco de primeira liña, dada a ausencia de resistencia documentada.

Non sendo debidamente tratada, poderán ocorrer hemorraxias no estómago, no bazo e no intestino. Alén da posibilidade de ocorreren convulsións, inflamación nos riles, infección nos tímpanos, dores fortes nas articulacións e problemas cardiovasculares.