Escolas Labaca

As escolas Labaca é un edificio situado no centro da cidade da Coruña.

Escolas da Fundación Labaca
A Coruña
Tipo	escola pública
Estado de uso	colexio
Persoas e organizacións
Arquitecto/a	Leoncio Bescansa
Datas
Fundación	1915
Localización
43°21′37″N 8°24′24″O
Situado en	A Coruña
Localización	rúa de Juan Flórez 112-116 15005, A Coruña
Código postal	15005
Enderezo	rúa de Juan Flórez 112-116
Fontes e ligazóns
Páxina WEB	edu.xunta.gal…
Redes
[ Wikidata ] [ C:Commons ]

Historia

Os irmáns Ángela e Ricardo Labaca fundaron a Escola Católica de Ave María en honra dos seus pais para atender a nenos e nenas de clase humilde.^[1] Cando se construíu o edificio a zona do Camiño Novo estaba practicamente sen edificar, só con algunhas edificacións industriais.^[2]

Anos despois a escola pasou aos poderes públicos.^[1]

Descrición

O edificio principal foi deseñado por Leoncio Bescansa en estilo modernista e neogótico e consta de dous andares. O inferior estaba destinado a aulas e o superior para vivendas dos mestres e unha aula. ^[3]

Ten planta simétrica e destaca a fachada cunha torre como elemento central, máis alta que a cornixa. Rodeando a torre hai seis pináculos con decoracións con formas xeométricas rematadas nunha coroa.^[4]

Tamén destaca a reixa, con forma de tea de araña.^[4]