Escudo chileno

O escudo chileno (código: CLE; símbolo: E°) foi a moeda de curso legal da República de Chile entre 1960 e 1975, dividida en cen centésimos, precedida e sucedida polo peso chileno.^[1]

Para o escudo de armas de Chile, véxase Escudo de Chile.

Escudo chileno †
Código:	CLE
Ámbito:	Chile
Símbolo:	Eº
Fracción:	Centésimo
Moedas:	- 1/2, 1, 2, 5, 10, 20 e 50 centésimos. - 1, 2, 5, 10, 50, 100 escudos.
Billetes:	- ½, 1, 5, 10, 50, 100, 500, 1.000, 5.000 e 10.000 escudos.
Emisor:	Banco Central de Chile
Taxa de troco:	1 Eº = 1.000 CLP (1950) 1.000 Eº = 1 CLP (1975).

A implantación do escudo chileno formou parte das medidas de saneamento da economía e de control inflacionario emprendidas polo Goberno de Jorge Alessandri.^[2][3]

Historia

Consonte a Lei 13.305, publicada o 6 de abril de 1959, o escudo entrou en circulación o 1 de xaneiro de 1960, en substitución do antigo peso chileno, cunha equivalencia de 1.000 pesos por cada escudo.^[1]

O escudo estaba inicialmente subdividido en centésimos, mais coa publicación do Decreto lei 231 do 31 de decembro de 1973 dispúxose que todos os pagamentos se efectuasen en escudos enteiros, eliminando os centésimos.^[4]

Finalmente, mediante o Decreto lei 1.123, publicado o 4 de agosto de 1975, retomouse o peso como unidade monetaria nacional, cunha equivalencia de 1.000 escudos por cada novo peso.^[5]

Moedas

En 1960 introducíronse moedas dun centésimo de aluminio, e de 2, 5 e 10 centésimos de bronce-aluminio, e en 1962 engadiuse á serie a moeda de ½ centésimo, de aluminio.^[6][7]

En 1971 presentouse unha nova serie de cuñaxes, que constaba de moedas de 10, 20 e 50 centésimos de bronce-aluminio, e de 1 e 5 escudos fabricadas en cuproníquel. Esta serie, que se emitiu tamén o ano seguinte, prevía inicialmente tamén o valor de 2 escudos en cuproníquel, mais o Banco Central de Chile non autorizou finalmente a súa posta en circulación, polo que a súa produción se limitou aos 106 exemplares de proba.^[7][8]

En 1974 cuñáronse moedas de 5 e 10 escudos de aluminio (as de 5 escudos fixéronse con cuños datados en 1972, polo que é común que se consideren como cuñadas nese ano).^[9] Finalmente, entre 1974 e 1975 completaron a serie as moedas de 50 e 100 escudos de níquel-latón.^[7]

Todas as moedas amosan a marca de ceca da Casa da Moeda de Chile.

Anverso	Reverso	Valor	Datas	Aliaxe	Canto	Peso	Diámetro	Anverso
								Reverso
		½ centésimo [10]	1962 1963	Aluminio	Liso	2,00 g	25 mm	Cóndor voando.
								Valor entre pólas de gran.
		1 centésimo [11]	1960 a 1963	Aluminio	Liso	3,00 g	28 mm	Cóndor voando.
								Valor entre pólas de gran.
		2 centésimos [12]	1960 a 1970	Bronce-aluminio	Liso	3,00 g	20 mm	Cóndor voando.
								Valor entre pólas de gran.
		5 centésimos [13]	1960 a 1970	Bronce-aluminio	Estriado	4,00 g	23 mm	Cóndor voando.
								Valor entre pólas de gran.
		10 centésimos [14][15]	1960 a 1970	Bronce-aluminio	Liso	8,00 g	27,17 mm	Cóndor voando.
								Valor entre pólas de gran.
			1971	Bronce-aluminio	Liso	2,50 g	18,10 mm	Bernardo O'Higgins.
								Valor e escudo nacional.
		20 centésimos [16]	1971 1972	Bronce-aluminio	Liso	3,05 g	19,97 mm	J. M. Balmaceda.
								Valor e escudo nacional.
		50 centésimos [17]	1971	Bronce-aluminio	Liso	4,00 g	22 mm	M. Rodríguez
								Valor e escudo nacional.
		1 escudo [18]	1971 1972	Cuproníquel	Estriado	2,74 g	19 mm	J. M. Carrera.
								Valor e escudo nacional.
		5 escudos [9][19]	1971 1972	Cubroníquel	Estriado	4,53 g	23,03 mm	Xefe mapuche.
								Valor e coroa de loureiro.
			1972	Aluminio	Liso	1,50 g	22,80 mm	Xefe mapuche.
								Valor e escudo nacional.
		10 escudos [20]	1974	Aluminio	Liso	27010 g	24,95 mm	Cóndor nun cume.
								Valor e coroa de loureiro
		50 escudos [21]	1974 1975	Níquel-latón	Liso	4,00 g	21,48 mm	Cóndor nun cume.
								Valor e coroa de loureiro.
		100 escudos [22]	1974 1975	Níquel-latón	Liso	5,00 g	23 mm	Cóndor nun cume.
								Valor e coroa de loureiro.

Billetes

En 1960, os antigos billetes con valores expresados en pesos (a moeda anterior) foron sobreestampadas provisionalmente para lles acreditar o seu contravalor en escudos chilenos. Esta serie estivo composta por billetes reconvertidos aos valores de ½, 1, 5, 10 e 50 centésimos, e de 1, 5, 10 e 50 escudos, sobre antigos billetes con valores desde os 5 pesos ata os 50.000 pesos.^[6][23]

En 1962 introducíronse xa os primeiros deseños propios expresados en escudos, cos valores de ½, 1, 5, 10 e 50 escudos.^[6] En 1967 sumóuselle á serie o billete de 100 escudos, e o de 10 escudos substituíuse por outro de menor tamaño.^[24]

O inicio da década de 1970 caracterizouse polos graves problemas inflacionarios, polo que os valores faciais dos billetes se viron obrigados a crecer. Consecuentemente, en 1971 introduciuse no sistema o billete de 500 escudos; en xuño de 1973 engadíuselle o de 1.000 escudos e, en novembro dese mesmo ano, logo do golpe de Estado de Pinochet, o de 5.000.^[2][25]​ Finalmente, en 1974, a serie completouse coa emisión do billete de 10.000 escudos.^[26]

Valor nominal	Emisións	Cor	Dimensións	Anverso
				Reverso
½ escudo [27]	1962 1971	Azul	145×70 mm	Bernardo O'Higgins.
				Chegada de Almagro a Chile, de Subercaseaux.
1 escudo [28]	1962 1971	Marrón	145×70 mm	Arturo Prat.
				Fundación de Santiago, de P. Lira.
5 escudos [29]	1962 1971	Pardo avermellado	145×70 mm	Manuel Bulnes.
				Batalla de Rancagua, de Subercaseaux.
10 escudos [24][30]	1962 1967	Granate	178×83 mm	José Manuel Balmaceda.
				Abrazo de Maipú, de Subercaseaux.
	1967 1972	Pardo	145×70 mm	José Manuel Balmaceda.
				Abrazo de Maipú, de Subercaseaux.
	1972 1974	Amarelo	145×70 mm	José Manuel Balmaceda.
				Abrazo de Maipú, de Subercaseaux.
50 escudos [31]	1962 1974	Verde	178×83 mm	Arturo Alessandri Palma.
				Edificio: Banco Central de Chile.
100 escudos [32]	1967 1974	Azul	178×83 mm	Manuel Rengifo.
				Escuadra Libertadora, de Somerscales.
500 escudos [33]	1971 1975	Rosa	145×70 mm	Mineiro (nacionalización do cobre, 1971).
				Mina de Chuquicamata.
1.000 escudos [34]	1973 1975	Azul violáceo	145×70 mm	José Miguel Carrera.
				Casa da familia Carrera.
5.000 escudos [35]	1973 1975	Verde	145×70 mm	José Miguel Carrera.
				Casa da familia Carrera.
10.000 escudos [26]	1974 1975	Salmón	145×70 mm	Bernardo O'Higgins.
				Batalla de Rancagua, de Subercaseaux.