Explorer 4

Explorer 4 foi un satélite artificial estadounidense lanzado o 26 de xullo de 1958 mediante un foguete Juno I desde o Centro Espacial de Cabo Cañaveral.^[2][4]

Explorer 4
Esquema de Explorer 4.
Tipo	Científico
Destino actual	Reentrado na atmosfera.[1]
Data de lanzamento	26 de xullo de 1958, 15:00 GMT[1][2][3]
Foguete portador	Juno I[2][4]
Sitio de lanzamento	Centro Espacial de Cabo Cañaveral[2]
Obxectivo da misión	Estudo da radiación espacial.[2]
Decaemento	23 de outubro de 1959[1]
NSSDC ID	1958-005A
Masa	25,5 kg[2][5]
v c e

Características

A misión de Explorer 4 foi estudar as partículas cargadas (protóns e electróns) atrapadas nos cintos de radiación terrestre. A bordo levaba dous tubos Geiger e detectores de cristais de ioduro de cesio, así como plástico de centeleo. Unha vez en órbita o satélite comezou a xirar descontroladamente, o que dificultou a interpretación dos datos dos contadores de radiación. O 3 de setembro de 1958 fallaron o detector de plástico de centeleo e o transmisor de baixa potencia. O transmisor de alta potencia fallou o 5 de outubro. Reentrou na atmosfera o 23 de outubro de 1959, tras 454 días en órbita.^[1][2][5]