Facultade de Ciencias da Saúde da Coruña

A Facultade de Ciencias da Saúde da Universidade da Coruña creouse no ano 2001 (DOG de 12 de decembro de 2001),^[1] por transformación da Escola Universitaria de Terapia Ocupacional.

Facultade de Ciencias da Saúde da Coruña
A Coruña
Tipo	facultade
Parte de	Universidade da Coruña
Datas
Fundación	2001
Localización
43°20′42″N 8°23′07″O
Situado en	A Coruña
Localización	campus da Coruña
Fontes e ligazóns
Páxina WEB	udc.es…
[ Wikidata ]

A súa sede está situada no Campus da Coruña, no Hospital Marítimo de Oza.

Características

A Facultade conta cun sistema de garantía interna de calidade (SGIC), con obxecto de favorecer a mellora continua das titulacións impartidas, atendendo ao proceso deseñado pola Axencia Nacional de Avaliación da Calidade e Acreditación (ANECA) e a Axencia para a Calidade do Sistema Universitario de Galicia (ACSUG).^[2] Nela inclúese o Departamento de Medicina.

Oferta formativa

• Grao en Terapia Ocupacional, recoñecido en España como a titulación máis prestixiosa desta disciplina científica e a primeira en adaptarse aos ensinos do Espazo Europeo de Educación Superior.
• Máster Universitario en Asistencia e Investigación Sanitaria. Ofrece tres especialidades:
  • Reeducación Funcional, Autonomía Persoal e Calidade de Vida (presencial).
  • Fundamentos de Investigación Biomédica (presencial).
  • Investigación Clínica (presencial e on-line).
• Máster Interuniversitario en Xerontoloxía Clínica, en colaboración coa Universidade de Santiago de Compostela (presencial).
• Máster Interuniversitario en Ciencia e Tecnoloxía en Termalismo e Balneoterapia, en colaboración coa Universidade de Vigo (presencial e on-line).^[2]

Os másteres están dirixidos a profesionais do ámbito das Ciencias da saúde e a outras afíns relacionadas coa asistencia e a investigación sanitaria. Constitúen o período de formación dos Programas de Doutoramento en Ciencias da saúde adscritos ao Departamento de Medicina.^[2]