Falanxeriformes

A dos falanxeriformes (Phalangeriformes) é unha suborde de mamíferos marsupiais australidelfos, unha das tres que forman a orde dos diprotodontes,^[1] coñecidos vulgarmente na bibliografía internacional, entre outros nomes, como pósums, petauros, falanxeros, cuscús e acróbatas.

Falanxeriformes Phalangeriformes Rango fósil: mioceno - actualidade
Trichosurus vulpecula
Clasificación científica
Reino: Animalia Filo: Chordata Subfilo: Vertebrata Clase: Mammalia Subclase: Theria Infraclase: Marsupialia Magnorde: Australidelphia Superorde: Eometatheria Orde: Diprotodontia Suborde: Phalangeriformes Szalay in Archer, 1982
Superfamilias e Familias
Véxase o texto

Características

Son pequenos marsupiais arborícolas endémicos de Australia, Nova Guinea e as Célebes, con pelo de cor gris ou café, cun tamaño que varía entre os 7 e os 50 cm.

Son animais nocturnos e omnívoros. Durante o día permanecen nos seus niños formados nos troncos ocos das árbores, dos que saen a buscar comida durante a noite.

Ocupan o mesmo nicho ecolóxico que os esquíos do hemisferio norte aos que se perecen na súa aparencia.

Clasificación

Suborde Phalangeriformes Szalay in Archer, 1982

• Superfamilia Phalangeroidea Thomas, 1888 ^[2]
  • Familia Burramyidae
  • Familia Phalangeridae
• Superfamilia Petauroidea Bonaparte, 1838 ^[3]
  • Familia Pseudocheiridae
  • Familia Petauridae
  • Familia Tarsipedidae
  • Familia Acrobatidae