Fermín Bouza Álvarez

Fermín Bouza Álvarez, nado en Santiago de Compostela o 5 de marzo de 1946 e finado en Madrid o 29 de outubro de 2016, foi un sociólogo e escritor galego.

Fermín Bouza Álvarez

Biografía
Nacemento	5 de marzo de 1946 Santiago de Compostela, España
Morte	29 de outubro de 2016 (70 anos) Madrid, España
Catedrático
Datos persoais
Formación profesional	Filosofía e Psicoloxía
Educación	Universidade de Valencia Universidade de Santiago de Compostela Universidade de Madrid - doutoramento
Actividade
Ocupación	sociólogo, escritor, profesor universitario, poeta
Empregador	Universidade Autónoma de Madrid Universidade Complutense de Madrid
Xénero artístico	Poesía, narrativa
Familia
Cónxuxe	Carmen Pena López [1]
Fillos	Fermín Bouza Pena (1983) [1]
Pai	Fermín Bouza-Brey
Premios
(1990)  Premio da Crítica de poesía galega

Traxectoria

Fillo do intelectual Fermín Bouza-Brey. Licenciado en Filosofía e en Psicoloxía. En xaneiro de 1969 foise a vivir a Madrid. Foi catedrático de Socioloxía, especializado en Opinión Pública, que exerceu na Facultade de Ciencias da Información da Universidade Complutense de Madrid.

Fóra do ámbito universitario, mantiña un blog en lingua castelá no que adoito comentaba a situación política tanto galega como española, facendo fincapé nos temas de lingua e mantendo posturas marcadamente galeguistas.

Obra en galego

Narrativa

• Memoria do Diaño, 1980, Edicións do Rueiro (novela).
• Longo voo de paxaro, 1987, Xerais (novela).

Poesía

• O tempo na auga, 1985, Xerais.
• Labirinto de inverno, 1990, Sotelo Blanco.

Obras colectivas

• Comercial. Poesía galega en Madrid, 1998, Edicións Río Xuvia.
• A poesia é o gran milagre do mundo, 2001, PEN Clube de Galicia/Editorial Danú. Edición bilingüe galego-inglés.
• 15-M: O pobo indignado, 2011, Laiovento.
• Á beira de Beiras. Homenaxe nacional, 2011, Galaxia.
• Bilbao. Antoloxía de poesía galega en Madrid, 2012, Amargord.
• Os aforismos do riso futurista, 2016, Xerais.

Obra en castelán

Narrativa

• Las bodas secretas de Lilia, Editorial Debate.