Fito & Fitipaldis

Fito & Fitipaldis é un grupo musical bilbaíno creado en 1998 por Fito Cabrales coa intención de publicar cancións que non eran do estilo da súa outra banda, Platero y tú. O seu tipo de música é moi variado, vai desde o Rock and roll pasando polo blues, o soul, o swing e moitos máis. As súas letras adoitan falar de historias persoais.

Fito & Fitipaldis
Actuación en Puerto del Rosario, Fuerteventura.
Orixe	Bilbao, Biscaia, España
Período	1998–presente
Xénero(s)	Rock & Roll Rock
Selo(s) discográfico(s)	DRO
Membros	Fito Cabrales Carlos Raya Javier Alzola José "El niño" Bruno Candy Caramelo Joserra Semperena
Na rede
www.fitoyfitipaldis.com

Membros

Está formado por Fito Cabrales (voz principal, guitarra eléctrica e acústica), Carlos Raya (guitarra eléctrica, slide e pedal steel), Javier Alzola (saxofón), José "El niño" Bruno (batería), Candy Caramelo (baixo e coros) e Joserra Semperena (Hammond e piano).

Historia

O 11 de setembro de 2006 viu a luz o seu quinto disco, titulado Por la boca vive el pez. Este traballo conseguiu ser número 1 na lista de vendas de AFYVE (Disco de Platino, con máis de 100.000 copias vendidas, en menos de dúas semanas). Ademais, Fito & Fitipaldis converteuse na primeira banda da historia en colocar toda a súa discografía de estudo entre os 100 discos máis vendidos en España.^[1] Por la boca vive el pez recibiu un disco de platino polas máis de 240.000 copias distribuídas.^[2]

En outubro de 2007 o grupo recibe un Disco de Diamante por vender máis dun millón de discos.^[3]

Discografía

• A puerta cerrada (1998)
• Los sueños locos (2001)
• Lo más lejos a tu lado (2003)
• Vivo... para contarlo (2004)
• Por la boca vive el pez (2006)
• Dos son multitud (2008) (Directo xunto a Andrés Calamaro)
• Antes de que cuente diez (2009)
• Huyendo conmigo de mí (2014)