Fran Cortegoso

Francisco Cortegoso, nado en Pontevedra o 17 de agosto de 1985 e finado no Teso (Bora, Pontevedra) o 5 de outubro de 2016,^[1] foi un poeta galego.

Fran Cortegoso

Biografía
Nacemento	17 de agosto de 1985 Pontevedra, España
Morte	5 de outubro de 2016 (31 anos) O Teso, España
Causa da morte	cancro
Educación	Universidade de Santiago de Compostela
Actividade
Ocupación	escritor, filólogo
Obra
Obras destacables (2014) Memorial e danza (2016) Suicidas
Premios
(2013)  Premio Nacional de Poesía Xosemaría Pérez Parallé, premiado polo traballo Memorial e danza
Sinatura

Traxectoria

Estudou Filoloxía Galega na Universidade de Santiago de Compostela. Deuse a coñecer como poeta en 2008 na Revista das Letras de Galicia Hoxe con "Ningún home".^[2] En 2013 gañou o Premio de poesía Pérez Parallé co poemario Memorial & danza^[3]. En 2016 apareceu Suicidas, o seu segundo poemario, publicado o día do seu falecemento. No 2023 publícase Nocturno de verán e outros poemas, poemario que recolle poemas inéditos e outros que só foran editados en publicacións periódicas.

Obra

Poesía

• Memorial e danza (Espiral Maior, 2014)
• Suicidas (Chan da Pólvora, 2016)
• Nocturno de verán e outros poemas (Chan da Pólvora, 2023)

Obras colectivas

• No seu despregar (Apiario, 2016).