Fumaria

Fumaria é un xénero de plantas herbáceas anuais da familia das papaveráceas, subfamilia Fumarioideae, da que son o xénero tipo, mais algúns autores aínda consideran que é unha familia separada: as fumariáceas, xunta Corydalis e outros xéneros menos correntes. A especie máis coñecida é a herba dona, herba fumaria, ou pé de galiña: Fumaria officinalis, moi abondosa en Galiza.

Fumarias (xénero Fumaria)
Fumaria officinalis
Clasificación científica
Reino: Plantae División: Magnoliophyta Clase: Magnoliopsida Orde: Ranunculales Familia: Papaveraceae Subfamilia: Fumarioideae Xénero: Fumaria L.
Especies
Véxase no texto.

Descrición

Son herbas de mediano tamaño, acadando o metro de altura, aínda que polo xeral non superan os 50 cm. O talo é erecto, flexíbel e glabro; as follas son compostas, con folíolos lanceolados de cor verde cinsenta. Florean producindo inflorescencias en forma de espiga, compostos por 6 a 20 floriñas tubulares, bilabiadas, espolonadas, de cor branca a rosácea con pintas púrpuras no extremo. O froito é unha cápsula de pequeno tamaño.

O xénero é nativo das zonas temperadas de Europa e Asia, téndose espallado mundialmente.

Taxonomía

O xénero foi descrito por Carl von Linné e publicado en Species Plantarum 2: 699–701. 1753.^[1] A especie tipo é a herba dona: Fumaria officinalis L.

Especies

• Fumaria agraria Lag.
• Fumaria barnolae Sennen & Pau
  • Fumaria barnolae subsp. barnolae Sennen & Pau
• Fumaria bastardii Boreau
• Fumaria bicolor Nicotra
• Fumaria bracteosa Pomel
• Fumaria capreolata L.
• Fumaria coccinea Lowe ex Pugsley
• Fumaria densiflora DC.
• Fumaria faurei (Pugsley) Lidén
• Fumaria flabellata Gasparr.
• Fumaria gaillardotii Boiss.
• Fumaria macrosepala Boiss.
  • Fumaria macrosepala subsp. macrosepala Boiss.
• Fumaria melillaica Pugsley
• Fumaria mirabilis Pugsley
• Fumaria montana Schmidt
• Fumaria munbyi Boiss. & Reut.
• Fumaria muralis Sond. ex W.D.J. Koch
  • Fumaria muralis subsp. muralis Sond. ex Koch
• Fumaria officinalis L.
  • Fumaria officinalis subsp. officinalis
  • Fumaria officinalis subsp. wirtgenii (Koch) Arcangeli. Herba dona ou pé de galiña.
• Fumaria parviflora Lam.
• Fumaria petteri Rchb.
  • Fumaria petteri subsp. calcarata (Cadevall) Lidén & A. Soler
• Fumaria pugsleyana (Maire ex Pugsley) Lidén
• Fumaria reuteri Boiss.
• Fumaria rupestris Boiss. & Reut.
  • Fumaria rupestris subsp. rupestris Boiss. & Reut.
• Fumaria segetalis (Hammar) Cout.
• Fumaria sepium Boiss. & Reut.
• Fumaria vaillantii Loisel.