Pintada da Guinea

A pintada da Guinea,^[2] tamén chamada galiña de Guinea^[3] ou galiña pintada,^[3] (Numida meleagris) é unha especie de ave galiforme da familia dos numídidos.^[4] É a máis estendida das pintadas; orixinaria de África, foi introducida nas Antillas Menores e no sur de Francia.

Pintada da Guinea
Estado de conservación
Pouco preocupante[1]
Clasificación científica
Reino: Animalia Filo: Chordata Clase: Aves Orde: Galliformes Familia: Numididae Xénero: Numida Linnaeus, 1766 Especie: N. meleagris Linnaeus, 1758
Subespecies
Véxase o texto

Descrición

Cabeza de galiña de Guinea.

De até 50 cm de lonxitude, con peteiro medianamente longo, forte e robusto que presenta na súa base unha especie de 'cera' sobre a que se abren as fosas nasais. Cabeza, espida de plumas e que presenta unha coloración branca ou azulada dominante con carúnculas ou excrescencias carnosas de viva cor morada e unha típica protuberancia córnea no alto da cabeza. A plumaxe é gris e negra, con pequenas pintas brancas. Os machos e femias son aparentemente iguais e non poden distinguirse facilmente se non é polo seu comportamento, é dicir, non presenta dimorfismo sexual. Vive de seis a oito anos.