Galicia Moderna (Pontevedra)

Galicia Moderna foi unha revista editada en Pontevedra entre 1897 e 1898.^[1]

Para outras páxinas con títulos homónimos véxase: Galicia Moderna.

Galicia Moderna
Instancia de xornal
Publicación
Lugar de publicación Pontevedra
País de orixe España
Fontes e ligazóns
Redes
[ Wikidata ] [ C:Commons ]

"O tío Miseria", de Enrique Labarta, nas páxinas de Galicia Moderna.

Historia e características

Subtitulada Revista mensual ilustrada, apareceu o 1 de maio de 1897. Presumiblemente de propiedade colectiva nun principio, pasou a mans de Xerardo Álvarez Limeses que tamén era o redactor xefe, e dende abril de 1898, do director Enrique Labarta Pose. Entre os seus colaboradores estaban Lamas Carvajal e Lisardo Barreiro. Tentaba converterse nun álbum artístico e literario, no que se ofrecera información sobre as paisaxes, as lendas, os costumes, as tradicións e as festas populares de Galicia. Ademais, incluíu textos literarios e poesías, xunto con datos biográficos de destacados escritores galegos. Cesou a súa edición o 15 de xullo de 1898 co número 30.