Garage rock

O garage rock é unha forma sinxela e crúa de rock and roll creada por varias bandas de Estados Unidos a mediados dos anos sesenta. Inspirados por bandas da Invasión Británica como The Kinks ou The Who, estes grupos tocaban unha variación destes estilos de música.

Garage rock
Orixe musical	rock and roll, rockabilly, beat, R&B, soul, blues, surf rock, rock instrumental, Invasión Británica
Orixe cultural	finais dos 50 nos Estados Unidos
Instrumentos típicos	guitarra eléctrica, baixo, batería, teclados, pandeireta, harmónica
Derivados	punk rock - garage rock revival - power pop - glam rock - indie rock - rock psicodélico - protopunk - hard rock - krautrock - punk blues - psychobilly
Subxéneros
acid punk - garage punk
v c e

Historia e características

O termo "rock de garaxe" ven da percepción de que moitos dos seus intérpretes eran novos e inexpertos, posuían escasa preparación como músicos e a miúdo ensaiaban nun garaxe. A música destas bandas era polo xeral moito menos elaborada que a música que os inspiraba, pero estaba repleta de paixón e enerxía. A maior parte das bandas utilizaban sinxelas secuencias de notas oitavas e quintas debido a que os amplificadores da época posuían moita distorsión a un volume alto, se sobresaturaban e co uso desas notas, xunto cunha batería agresiva e unhas letras pegadizas, evitábase este problema.

Centos de bandas de garaxe apareceron nos Estados Unidos, pero só unha minoría - Shadows of Knight, Count Five, The Seeds, The Standells - tiveron éxito, e a maioría quedaron relegadas ao esquecemento. De feito, case todas as bandas estaban xa esquecidas a comezos dos anos setenta. Aínda que o centro dos Estados Unidos produciu moitos dos exemplos mellor coñecidos do rock de garage, había moitas bandas orixinarias da costa oeste dos Estados Unidos e de Australia, por exemplo Cosmic Psychos.