Cosmic Psychos

Cosmic Psychos é unha banda australiana de punk rock fundada no ano 1982 como Spring Plains. A primaira formación estable do grupo incluía a Ross Knight no baixo, guitarra e voces, a Peter Jones na guitarra, e a Bill Walsh na batería. O historiador da música rock australiano, Ian McFarlane, describiu a súa música como "unha especie de punk noise artístico, nalgún lugar entre The Birthday Party e uns Ramones que soan máis narcóticos".^[1]

Cosmic Psychos
Orixe	Melbourne, Australia
Período	1982 - presente
Xénero(s)	punk rock, pub rock, yob rock, grunge
Selo(s) discográfico(s)	Mr Spaceman, Survival, Amphetamine Reptile, City Slang, Shagpile, Shock, Timberyard, Pitshark, Missing Link
Membros	Ross Knight Dean Muller John "Mad Macka" McKeering
Antigos membros	Peter "Dirty" Jones Steve Morrow Neal Turton-Lane Bill Walsh Robbie Watts
Na rede
cosmicpsychos.com.au

A finais de 1984 o grupo foi renomeado como Cosmic Psychos e publicou o seu traballo de estrea, o EP Down on the Farm, en decembro de 1985. A este seguíronlle varios álbums que foron promocionados por xiras nacionais e internacionais por Europa e América do Norte, incluíndo festivais con Mudhoney, Nirvana, L7, Helmet e Motörhead.

En 1990 Jones foi substituído por Robbie Watts á guitarra. En 2005 Walsh foi substituído por Dean Muller (Hoss, Chris Russell's Chicken Walk) na batería. O 1 de xullo de 2006 Watts morreu dun ataque cardíaco aos 47 anos e a banda continuou uníndose a eles John McKeering (ex The Onyas).

Discografía

Álbums

Álbum	Ano	Selo
Cosmic Psychos	1987	Mr. Spaceman
Go the Hack	1989	Survival
Blokes You Can Trust	1991	Survival
Self Totalled	1995	Shagpile, Arschloch
Oh What a Lovely Pie	1997	Shagpile, Arschloch
Off Ya Cruet!	2005	Timberyard Records
Dung Australia	2007	Timberyard Records
Glorius Barsteds	2011	Missing Link Records
Cum the Raw Prawn	2015	Desperate
Loudmouth Soup	2018	Go the Hack
Mountain of Piss	2021	Go the Hack