Gemini Agena Target Vehicle

O Gemini Agena Target Vehicle (abreviadamente, GATV) foi un modelo de foguete Agena usado durante o programa Gemini como vehículo obxectivo para as cápsulas tripuladas do programa para facer prácticas de cita espacial e atraque.^[1][2]

Gemini Agena Target Vehicle
O GATV da misión Gemini 8.
Subclase de nave espacial non tripulada etapa do foguete
Baseado en Agena D (en)
Produción
País de orixe Estados Unidos de América
Fabricante Lockheed McDonnell Aircraft Corporation
Dimensións
Lonxitude	7,93 m
Diámetro	1,52 m
Masa	1.834 kg e 8.209 kg
Persoas e organizacións
Operador/a NASA
Wikidata C:Commons

Características

Os GATV consistían en etapas Agena D modificadas coa adición dun colar de atraque, un panel visualizador e capacidade de reencendido do seu motor Bell 8247. Os GATV chegaban a órbita con suficiente reserva de propelente como para propulsar ó conxunto GATV-Gemini a órbitas altas, ata a beira dos cintos de radiación.^[1][2]

Os GATV estaban divididos en tres seccións:

• A sección auxiliar, con espazo para equipos auxiliares e no que estaba situado o porto de atraque, situado baixo a cofia (durante o lanzamento).
• A sección Agena D media, cos equipos principais e os tanques de propelente.
• A sección posterior, co motor principal Bell 8247 capaz de varias ignicións e os motores auxiliares de manobra, máis pequenos, Bell 8250.^[1][2]

O panel visualizador (ASP, Gemini-ATV Status Panel) estaba situado sobre o porto de atraque do GATV, onde era visible para os astronautas desde a cápsula Gemini durante e despois do atraque. O panel era capaz de mostrar información sobre o estado e seguridade dos diversos sistemas do GATV: guiado, propulsión, enerxía, atraque... O panel estaba formado por nove luces e tres diais analóxicos e os circuítos asociados a cada sistema.^[1][2]

En total lanzáronse seis GATV, dous deles fallados.^[1][2]

Parámetros dos GATV

• Masa cheos: 3260 kg
• Altura: 7,93 m
• Diámetro: 1,52 m

Historial de lanzamentos

Nave[1][2]	Data[1][2]	Rampla de lanzamento[1][2]	Misións Gemini asociadas[1][2]	Resultado[1][2]	Notas[1][2]
GATV 6	25 de outubro de 1965	Rampla LC-14 de Cabo Cañaveral	Gemini 6	Fallo	Explosión da segunda etapa ós 6 minutos do lanzamento.
GATV 8	16 de marzo de 1966	Rampla LC-14 de Cabo Cañaveral	Gemini 8, Gemini 10	Éxito
GATV 9	17 de maio de 1966	Rampla LC-14 de Cabo Cañaveral	Gemini 9	Fallo	Fallo do sistema de control da última etapa.
GATV 10	18 de xullo de 1966	Rampla LC-14 de Cabo Cañaveral	Gemini 10	Éxito
GATV 11	12 de setembro de 1966	Rampla LC-14 de Cabo Cañaveral	Gemini 11	Éxito
GATV 12	11 de novembro de 1966	Rampla LC-14 de Cabo Cañaveral	Gemini 12	Éxito	Último lanzamento dun GATV.

Detalle do porto de atraque do GATV 12, desde a Gemini 12.