Ginnungagap

Na mitoloxía nórdica, Ginnungagap ("aparente baleiro" ou "oco enorme") era o vasto abismo que existía entre Niflheim e Muspelheim antes da creación. Era tan profundo que ningún ollo mortal chegaba a ver o fondo.^[1] Ó norte deste xacía o intenso frío do Niflheim, ó sur, o insufrible calor do Muspelheim. Ó comezo dos tempos, os dous encontrábanse no Ginnungagap; e onde a calor tocaba o xeo, as pingas de auga derretían e formaban a substancia eitr, que derivou na vida na forma do xigante Ymir, o pai de tódolos xigantes de xeo.