Google+

Google+, pronunciado e escrito ás veces como Google Plus, tamén abreviado como G+, foi un servizo de rede social operado pola compañía estadounidense Google. Google+ lanzouse en xuño de 2011. Nun principio, os usuarios tiñan que ser maiores de 13 anos de idade,^[1] para crear as súas propias contas. Google+ foi a terceira rede social con máis usuarios no mundo, non pola súa popularidade senón pola ligazón con YouTube, obtendo arredor de 343 millóns de usuarios activos.

Google+
Instancia de	rede social, software, API, computación na nube, servizo de internet, plataforma e comunidade en liña
Texto lema	Real life sharing, rethought for the web
Persoas e organizacións
Propietario/a	Google
Fundador/a	Google e Bradley Horowitz (pt)
Creador/a	Google
Director/a executivo/a Bradley Horowitz (pt) 2015
Actividade
Produtos rede social
Data
Fundación	28 de xuño de 2011
Disolución	2 de abril de 2019
Cronoloxía
Substitúe a	Google Buzz
Substituído por	Google Currents (pt)
Localización
País	Estados Unidos de América
Fontes e ligazóns
Páxina WEB	plus.google.com
[ Wikidata ] [ C:Commons ]

Google+ integraba distintos servizos: círculos, Hangouts, intereses e comunidades.^[2] Google+ tamén estivo dispoñible como unha aplicación de escritorio e como unha aplicación móbil, pero só nos sistemas operativos Android e iOS. Fontes como The New York Times declarárono o maior intento de Google para competir coa rede social Facebook,^[3] a cal tiña máis de 750 millóns de usuarios en 2011.^[4] O 20 de setembro de 2011, Google permitiu a creación de contas a usuarios con máis de 18 anos, con melloras nas súas extensións de videoconferencias.^[5]

Google anunciou o peche definitivo en abril de 2019^[6] por motivos relacionados con erros de seguridade no acceso a datos privados de usuarios afectados, que poderían ascender até o medio millón de contas.