Groucho Marx

Groucho Marx, nado en Nova York o 2 de outubro de 1890 e finado nos Ánxeles (California) o 19 de agosto de 1977, foi un actor e comediante e escritor estadounidense.

Groucho Marx

Biografía
Nacemento	(en) Julius Henry Marx 2 de outubro de 1890 Manhattan, Estados Unidos de América
Morte	19 de agosto de 1977 (86 anos) Cedars-Sinai Medical Center, Estados Unidos de América (en)
Causa da morte	pneumonía
Lugar de sepultura	Eden Memorial Park (en)
Outros nomes	Groucho Marx
Residencia	Manhattan
Relixión	Xudaísmo
Actividade
Ocupación	humorista, actor de teatro, actor de televisión, actor de cinema, locutor de radio
Período	Século XX
Período de actividade	1905 - 1976
Partido político	Partido Demócrata
Membro de	Irmáns Marx
Influencias	Robert Benchley (pt)
Obra
Obras destacables (1930) Animal Crackers (pt) (1933) Duck Soup (1935) Unha noite na ópera (1937) A Day at the Races (pt)
Familia
Cónxuxe	Eden Hartford (1954–1969), divorcio Kay Marvis (1945–1951), divorcio Ruth Johnson (1920–1942), divorcio
Fillos	Arthur Marx  () Ruth Johnson Miriam Marx  () Ruth Johnson Melinda Marx  () Kay Marvis
Pais	Sam Marx   e Minnie Schoenberg Marx
Irmáns	Zeppo Marx Harpo Marx Chico Marx Gummo Marx
Premios
(1974)  Comendador das Artes e as Letras (1973)  Óscar Honorífico (1948)  Premios Peabody  estrela no Paseo da Fama de Hollywood
Descrito pola fonte	Obálky knih, pi-vol-8-issue-2-1951 (en) , (p.1)
Sitio web	marx-brothers.org…

Groucho (sentado), xunto dos seus irmáns Chico (esquerda) e Harpo (dereita) en 1948.

Traxectoria

Naceu como Julius Henry Marx en Nova York, fillo de Minnie Schoemberg, inmigrante alemá cuxos pais rexentaban unha compañía de cómicos ambulantes, e de Sam Marx, de orixe francesa.

Marx debutou no mundo do espectáculo aos 15 anos como cantante solista. Pasado algún tempo comezou a actuar xunto aos seus irmáns no vodevil, primeiro en tríos ou cuartetos musicais e finalmente en revistas. A obra The Cocoanuts, interpretada de 1925 a 1928, deu aos Marx a súa oportunidade en Broadway. A raíz deste éxito, e tras esquecer a súa infrutuosa rodaxe dunha primeira e perdida película muda no ano 1921 (Humor Risk), asinaron tamén un acordo coa Paramount, coa que fixeron varias películas, como The Cocoanuts, Horse Feathers e Duck Soup, entre outras.

Caricatura do actor

Tras saír da Paramount, e grazas ao novo xenio Irving G. Thalberg, os irmáns Marx comezaron a traballar coa Metro Goldwyn Mayer, de onde saíron películas como Unha noite na ópera e A Day at the Races. Na década de 1950 cada un dos tres irmáns continuou traballando independentemente na radio, na televisión e no cine, sendo Groucho o que obtivo máis éxito, grazas á súa faceta como escritor e sobre todo grazas ao seu famosísimo programa televisivo You Bet Your Life, co que se fixo realmente famoso nos Estados Unidos entre unha xeración de persoas que nunca o viran no teatro e que apenas o coñecían dalgunha das súas vellas películas.

Marx faleceu nos Ánxeles a causa dunha pneumonía, deixando atrás tres ex-esposas, Ruth, Kay e Eden, tres fillos, Arthur, Miriam e Melinda, 18 películas, 14 delas xunto aos seus irmáns (unha delas perdida), e millóns de admiradores. Unha das súas célebres frases foi: "Nunca pertencería a un club que admitise como socio alguén coma min".

Groucho Marx foi incinerado, as súas cinzas gárdanse no Eden Memorial Park, sendo falso o epitafio "Perdoen que non me levante", que popularmente se cre que está na súa tumba.

Filmografía

• Humor risk (1921)
• The Cocoanuts (1929)
• Animal Crackers (1930)
• The House that Shadows Built (1931)
• Monkey Business (1931)
• Horse Feathers (1932)
• Duck Soup (1933)
• Unha noite na ópera (1935)
• A Day at the Races (1937)
• Room Service (1938)
• At the Circus (1939)
• Go West (1940)
• The Big Store (1941)
• The Big Store (1946)
• Love Happy (1949)
• The Story of Mankind (1957)

Véxase tamén

A Galicitas posúe citas sobre:  Groucho Marx

Ligazóns externas

• Groucho-Marx.com Arquivado 30 de novembro de 2005 en Wayback Machine. - Páxina Web de fans
• Groucho Marx at Marx-Brothers.org