Guillermo Lago

Guillermo Lago Pérez, nado na Gudiña o 26 de xullo de 1944 e finado en Verín o 21 de xaneiro de 2016, foi un político galego do PPdeG.

Guillermo Lago

Biografía
Nacemento	26 de xullo de 1944 A Gudiña, España
Morte	21 de xaneiro de 2016 (71 anos) hospital de Verín, España
Lugar de sepultura	cemiterio da Gudiña
Alcalde da Gudiña
1992 – 21 de xaneiro de 2016 (finado no cargo) ← Néstor Ogando Blanco – José María Lago Cabo →
Alcalde da Gudiña
1987 – 1991 ← Jesús Barros – Néstor Ogando Blanco →
Actividade
Lugar de traballo	A Gudiña
Ocupación	político
Partido político	Partido Popular
Familia
Fillos	José María Lago Cabo

Traxectoria

Nicho no cemiterio da Gudiña.

Profesionalmente foi funcionario da Xunta. Aínda que inicialmente fora afiliado á UCD e a Coalición Galega, forzas coas que foi concelleiro, nas eleccións municipais de 1987 encabezou a candidatura de Alianza Popular á alcaldía da Gudiña e foi elixido alcalde co apoio de Coalición Progresista Galega. Nas seguintes eleccións foi substituído por Néstor Ogando. En outubro de 1992 recuperou a alcaldía mediante unha moción de censura. Nas municipais de 1995 encabezou a candidatura do PPdeG e foi elixido alcalde con maioría absoluta. Continuou como alcalde nas sucesivas eleccións, sempre con maioría absoluta. Faleceu en xaneiro de 2016 por mor dun infarto^[1].

Predecesor: Jesús Barros	Alcalde da Gudiña  1987 - 1991	Sucesor: Néstor Ogando
Predecesor: Néstor Ogando	Alcalde da Gudiña  1992 - 2016	Sucesor: José María Lago Cabo