Halita

A halita^[1] (tamén chamada sal xema^[2] ou sal de rocha) é un mineral da clase dos haluros cuxa fórmula química é NaCl (39,3% de sodio e 60,7% de cloro). É pois, un mineral composto na súa totalidade por cloruro de sodio.

Para outras páxinas con títulos homónimos véxase: Sal.

Halita
Cubo imperfecto de halita
Fórmula química	NaCl
Clase	Haluros
Sistema cristalino	Cúbico
Cor	Incolora, branca, amarela, vermella, gris e azul
Brillo	Vítreo algo mate
Dureza	2
Fractura	Concoidea
Exfoliación	Perfecta, en cubos
Raia	Branca
Densidade	2,1-2,2 g/cm3

Aspecto

Na súa forma cristalina adopta a figura dun cubo. Tamén aparece formando masas e máis rara vez en forma de octaedros. A súa coloración varía segundo as impurezas que teña na súa composición.

Lugares onde se atopa

A halita é un mineral moi abundante en terreos sedimentarios, pérmicos, triásicos e terciarios. Xace en capas, alternándose con xeso e as arxilas, impregnando margas (chamadas por isto salíferas). Encóntrase disolta en altas cantidades na auga do mar e nalgunhas lagoas chamadas salinas coma as de Torrevieja (Alacant) e San Carlos de la Rápita (Tarragona).

Usos da halita

A halita é utilizada na industria química como fonte de sodio e cloro e para fabricar sosa e ácido clorhídrico, na cociña como condimento e conservante de alimentos, na agricultura como fertilizante e no gando como alimento para animais.

Propiedades

É soluble en auga e de sabor salgado.

Outros haluros

Outros haluros a destacar son a fluorita e a silvina.