IGL@

IGL@ ou locus lambda de inmunoglobulina (tamén chamado IGL^[1] e IGLC6^[2]) é unha rexión do cromosoma 22 humano que contén os xenes para a cadea lixeira lambda dos anticorpos (ou inmunoglobulinas).^[3]

Función

As inmunoglobulinas recoñecen antíxenos alleos e inician respostas inmunes como a fagocitose e o sistema de complemento. Cada molécula de inmnoglobulina consta de dúas cadeas pesadas idénticas e dúas cadeas lixeiras idénticas. Hai dúas clases de cadeas lixeiras, kappa e lambda. Esta rexión representa a organización da liña xerminal do locus da cadea lixeira lambda. O locus inclúe os segmentos V (variable), J (de acoplamento), e C (constante). Durante o desenvolvemento da célula B, un evento de recombinación no ADN únese a un só segmento V cun segmento J; o segmento C únese posteriormente por empalme no ARN. A recombinación de moitos segmentos V diferentes con varios segmentos J proporciona un amplo rango de recoñecemento de antíxenos. Obtense diversidade adicional pola diversidade de acoplamento, que se orixina pola adición aleatoria de nucleótidos pola desoxinucleotidiltransferase terminal, e pola hipermutación somática, que ocorre durante a maduración da célula B no bazo e ganglios linfáticos. Varios segmentos V e tres segmentos C son incapaces de codificar proteínas e son considerados pseudoxenes. O locus tamén inclúe varios xenes que non son de inmunoglobulinas, moitos dos cales son pseudoxenes ou son preditos por análise computacional automatizada ou por homoloxía con outras especies.^[3]

Xenes

O locus lambda de inmunoglobulina contén os seguintes xenes:

• IGLC@ – grupo constante
  • IGLC1 – inmunoglobulina lambda constante 1 (marcador Mcg)
  • IGLC2 – inmunoglobulina lambda constante 2 (marcador Kern-Oz-)
  • IGLC3 – inmunoglobulina lambda constante 3 (marcador Kern-Oz+)
  • IGLC7 – inmunoglobulina lambda constante 7
• IGLJ@ – grupo de unión
  • IGLJn – inmunoglobulina lambda unión n
  • IGLJ1, IGLJ2, IGLJ3, IGLJ6, IGLJ7
• IGLV@ – grupo variable
  • IGLVm-n – inmunoglobulina lambda variable n-m
  • IGLV1-36, IGLV1-40, IGLV1-44, IGLV1-47, IGLV1-51, IGLV1-62
  • IGLV2-5, IGLV2-8, IGLV2-11, IGLV2-14, IGLV2-18, IGLV2-23
  • IGLV3-1, IGLV3-10, IGLV3-12, IGLV3-16, IGLV3-19, IGLV3-21, IGLV3-25, IGLV3-27
  • IGLV4-3, IGLV4-60, IGLV4-69
  • IGLV5-37, IGLV5-39, IGLV5-45, IGLV5-52
  • IGLV6-57
  • IGLV7-43
  • IGLV9-49
  • IGLV10-54