Ideafix

Ideafix^[1] (en francés: Idéfix) é un personaxe da serie de banda deseñada Astérix, creado por René Goscinny e Albert Uderzo. É o can pequeno e branco de Obélix (o mellor amigo de Astérix), a quen sempre acompaña e axuda. Aparece por vez primeira na aventura A volta á Galia de Astérix en 1963.^[2]

Ideafix
Instancia de can ficticio personaxe de banda deseñada
Obra
Primeira aparición A volta á Galia de Astérix
Presente na obra Asterix Astérix et Obélix : Mission Cléopâtre
Universo ficticio universo de Astérix
Franquía Asterix
Creador/a Albert Uderzo
Biografía
Sexo macho
[ Wikidata ] [ C:Commons ]

Segundo Nicolas Rouvière, trátase dun schnauzer anano^[2] e ademais é o único personaxe principal da serie que é un animal. É coñecido polo seu carácter ecoloxista, ao chorar desesperadamente ao ver como se derruba unha árbore, é por esta causa que o seu amo Obélix deixou de tirarlles árbores aos romanos.

Orixe do nome

O seu nome é a contracción de idea fixa, polo que en inglés é coñecido polo nome de Dogmatix, xa que mantén o concepto de idea fixa (dogma) e ademais inclúe a alusión ao can (dog). Reflicte a obsesión que o can ten polos ósos, obsesión que é motivo de moitas situacións cómicas nas historias.