Indian Regional Navigation Satellite System

Indian Regional Navigation Satellite System ou IRNSS é o nome dunha serie de satélites de navegación indios.^[1][2][3]

Representación dun satélite IRNSS.

Características

Os satélites IRNSS son satélites gobernamentais adicados a mellorar a precisión dos sistemas de posicionamento GPS e Galileo na rexión da India. IRNSS está composto por unha serie de satélites de 1425 kg de masa construídos pola ISRO co bus I-1K. Varios dos satélites están en órbita xeoestacionaria, mentres que o resto está nunha órbita xeosíncrona cunha inclinación orbital de 29º. Con esta configuración os satélites son visibles desde a India en todo momento e os seus sinais poden recibirse en todo o territorio. Cada satélite leva a bordo un emisor de sinais en banda S e banda L5 e un transmisor de localización cun retrorreflector láser para coñecer a situación exacta do satélite. O sistema recibe tamén o nome de NavIC (Navigation with Indian Constellation). Tódolos satélites IRNSS foron lanzados mediante foguetes PSLV-XL.^[1][2]

Historial de lanzamentos

Misión[1][2][3]	Data de lanzamento[1][2][3]	Foguete lanzador[1][2][3]	Notas[1][2][3]
IRNSS 1A	1 de xullo de 2013	PSLV-XL	Éxito
IRNSS 1B	4 de abril de 2014	PSLV-XL	Éxito
IRNSS 1C	15 de outubro de 2014	PSLV-XL	Éxito
IRNSS 1D	28 de marzo de 2015	PSLV-XL	Éxito
IRNSS 1E	20 de xaneiro de 2016	PSLV-XL	Éxito
IRNSS 1F	10 de marzo de 2016	PSLV-XL	Éxito
IRNSS 1G	28 de abril de 2016	PSLV-XL	Éxito
IRNSS 1H	31 de agosto de 2017	PSLV-XL	Fallo
IRNSS 1I	11 de abril de 2018	PSLV-XL	Éxito
IRNSS 1J	29 de maio de 2023	PSLV-XL	Éxito
IRNSS 1K	29 de xaneiro de 2025	GSLV Mk.2	Éxito